ەلىمىزدىڭ ماشينا جاساۋ سالاسىندا 14 جاڭا جوبا قولعا الىنباق
بۇل تۋرالى قازاقستان ماشينا جاساۋشىلار وداعىنىڭ اتقارۋشى ديرەكتورى ومىرسەرىك ەرجانوۆ ءمالىم ەتتى، دەپ حابارلايدى قازاقپارات ءتىلشىسى.
«بيىل 8 ايدا ماشينا جاساۋ كولەمى وتكەن جىلمەن سالىستىرعاندا % 24 ءوسىپ، 1,4 تريلليون تەڭگەنى قۇرادى. جىل سوڭىنا دەيىن بۇل سوما 2 تريلليون تەڭگەدەن اسىپ تۇسەدى دەپ بولجاپ وتىرمىز. ماشينا جاساۋ كولەمىنىڭ ارتۋىنا قاتىستى ءىشىنارا توقتالساق، اۋىل شارۋاشىلىعى ماشيناسىن جاساۋ - % 300- عا، تەمىرجول - % 45- عا، ەلەكتروتەحنيكالىق - % 28- عا، تاۋ- كەن مەتاللۋرگياسى جانە مۇناي- گاز سالاسى - % 11- عا وسكەنى بايقالادى. جالپى ماشينا جاساۋ تەحنولوگيالىق تۇرعىدان ەڭ كۇردەلى سالالاردىڭ ءبىرى»، - دەدى ومىرسەرىك ەرجانوۆ.
ونىڭ ايتۋىنشا، بۇگىندە ەلىمىزدە 3 مىڭنان استام ماشينا جاسايتىن كاسىپورىن بار جانە وندا 119 مىڭعا جۋىق ادام جۇمىس ىستەيدى.
«جالپى اتالعان سالانى يندۋستريالاندىرۋدىڭ سوڭعى 10 جىلىندا 400 ميلليارد تەڭگەنىڭ 135 جوباسى جۇزەگە اسىرىلدى. 2025 -جىلعا دەيىن 160 ميلليارد تەڭگەگە تاعى 14 جوبانى ىسكە اسىرۋ جوسپاردا بار. بيىلعى فورۋم نەگىزىندە ازىرلەنگەن ۇسىنىمدار مەملەكەت باسشىسىنىڭ جولداۋىنداعى تاپسىرمالاردى ىسكە اسىرۋ اياسىندا بولادى. ياعني ۇلتتىق ەكونوميكانى جاڭعىرتىپ، ينۆەستيتسيالىق، وندىرىستىك جانە ەكسپورتتىق الەۋەتتى ارتتىرۋعا باعىتتالادى»، - دەيدى ول.
ايتا كەتسەك، كەشەدەن بەرى ەلوردادا قازاقستان ماشينا جاساۋشىلارىنىڭ Ⅸ فورۋمى ءوتىپ جاتىر. ەكى كۇنگە جوسپارلانعان شارانىڭ پلەنارلىق وتىرىسىنا ق ر پرەمەر- ءمينيسترىنىڭ ءبىرىنشى ورىنباسارى رومان سكليار قاتىسىپ، پرەزيدەنت قاسىم- جومارت توقايەتىڭ قۇتتىقتاۋ ءسوزىن وقىپ بەردى. سونداي- اق، فورۋم اياسىندا پانەلدىك پىكىرتالاستار مەن ءتۇرلى فورماتتاعى كەزدەسۋلەر ءوتىپ جاتىر.
اۆتور: ءالي يبرايەۆ