قىتايدا تۋننەلدەن 14 ادامنىڭ مۇردەسى تابىلدى

شانحاي. قازاقپارات - قىتايدىڭ وڭتۇستىگىندە تۋننەلدى سۋ باسۋى سالدارىنان قۇربان بولعانداردىڭ سانى 14 كە جەتتى.

قىتايدىڭ ورتالىق تەلەارناسىنىڭ مالىمەتىنشە، بەيسەنبى كۇنى قۇتقارۋشىلار تاعى ءبىر ادامنىڭ مۇردەسىن تاپقان، دەپ حابارلايدى قازاقپارات.

وقيعا 15-شىلدە كۇنى تاڭەرتەڭ ەرتە جۋحاي قالاسىندا (گۋاندۋڭ وڭتۇستىك پروۆينسياسى)، شيجيڭشان تاۋلارىنداعى تۋننەلدە بولعان. تۋننەلدىڭ ءبىر بولىگىنە قۇرىلىس جۇمىستارىن جۇرگىزۋ كەزىندە سۋ باسقان. سالدارىنان 14 ادام سىرتقا شىعا الماي قالدى. سارسەنبى كۇنى كەشكە 13 ادامنىڭ دەنەسى تابىلعان بولاتىن. جەدەل قىزمەتتەردىڭ شامامەن 2,5 مىڭ قىزمەتكەرى قاتىسقان ىزدەستىرۋ- قۇتقارۋ وپەراتسياسى اياقتالدى. جەرگىلىكتى بيلىك ت ج سەبەپ- سالدارىن انىقتاۋ جۇمىستارىن جالعاستىرۋدا.