وسكەمەندە 14 جىل بويى زاڭسىز تۇرعان شەتەل ازاماتى انىقتالدى

None
None
وسكەمەن. قازاقپارات - وسكەمەن قالاسىندا 14 جىل بويى زاڭسىز تۇرعان رەسەي فەدەراتسياسىنىڭ ازاماتى جاۋاپقا تارتىلدى، دەپ حابارلايدى قازاقپارات ءتىلشىسى.

قالالىق پوليتسيا باسقارماسى باسپا ءسوز قىزمەتىنىڭ مالىمەتىنە سۇيەنسەك، «ميگرانت» جەدەل الدىن الۋ شاراسى بارىسىندا ءتارتىپ ساقشىلارى ۇزاق ۋاقىت بويى ەل اۋماعىندا زاڭسىز تۇرىپ كەلگەن رەسەيلىكتى انىقتادى.

«رەسەي فەدەراتسياسىنىڭ 45 جاستاعى ازاماتى قازاقستان رەسپۋبليكاسىنا 2006 -جىلى كەلىپ، 2007 -جىلعا دەيىن تىركەۋگە تۇرعان. الايدا تىركەۋ مەرزىمى اياقتالعاننان كەيىن دە ول وسكەمەندە تۇرا بەردى. وسىلايشا، ەر ادام ق ر حالىقتىڭ كوشى- قونى سالاسىنداعى زاڭناماسىن بۇزعان»، - دەدى وسكەمەن قالالىق پ ب كوشى-قون قىزمەتى ءبولىمىنىڭ باستىعى رىسبەك ىرعىزبايەۆ.

اتالعان فاكتى بويىنشا پوليتسەيلەر ا ق ب ت ك-نىڭ 517-بابىنا سايكەس اكىمشىلىك حاتتاما تولتىرىپ، قالالىق مامانداندىرىلعان سوتقا جىبەردى.

اۆتور: تالعاتجان مۇحامەتبەك ۇلى

سوڭعى جاڭالىقتار