14-مامىر. قازاقپارات كۇنتىزبەسى

None
None
نۇر- سۇلتان. قازاقپارات - قازاقپارات وقىرمان نازارىنا 2021 -جىلعى 14-مامىرعا ارنالعان كۇنتىزبەنى ۇسىنادى.

ەستە قالار وقيعالار

1869 -جىلى اقتوبە قالاسىنىڭ ىرگەتاسى قالاندى.

1869 -جىلدىڭ 28-مامىرىندا (ەسكىشە قازاق كۇنتىزبەسى) باستالعان. بۇل كۇنى «اق توبە» دەپ اتالعان اسكەري بەكىنىسىنىڭ نەگىزى قالانعان.

1999 -جىلدىڭ ناۋرىزىندا ءوزىنىڭ «اقتوبە» دەگەن تاريحي اتاۋىنا يە بولعان قالا سوۆەتتىك كەزەڭدە اكتيۋبينسك دەپ اتالدى.

1993 -جىلى قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ ت م د مەملەكەتتەرى باسشىلارى كەڭەسىنىڭ وتىرىسىنا قاتىستى. كەزدەسۋدە دەكلاراتسيا قابىلداپ، ينتەگراتسيا جولىمەن، تاۋار، كاپيتال جانە قىزمەتتەردىڭ ەركىن قوزعالىسى ءۇشىن ورتاق نارىق قۇرۋعا ۇمتىلىستارىن ءبىلدىردى.

2009 -جىلى كيەۆ قالالىق كەڭەسىنىڭ 2008 -جىلعى 18-جەلتوقسانداعى شەشىمىمەن كييەۆتەگى شيەۆچەنكو اۋدانىنىڭ كۋزمينسكايا كوشەسىنە قازاق پوەزياسىنىڭ الىبى جامبىل جابايەۆتىڭ ەسىمى بەرىلدى.

2009 -جىلعى 8-مامىردا وسى كوشەدە جامبىل جابايەۆتىڭ مەموريالدىق تاقتاسى سالتاناتپەن اشىلدى.

2013 -جىلى جەنيەۆادا «اقپاراتتىق قوعام» ماسەلەلەرى جونىندەگى بۇكىل الەمدىك كەزدەسۋ فورۋمى شەڭبەرىندە وتكىزىلگەن WSISProjectPrizes 2013 حالىقارالىق كونكۋرسىنىڭ ناتيجەلەرى جاريالاندى. قازاقستاننىڭ ەلەكتروندىق ليسەنزيالاۋ جۇيەسى (www.elicense.kz) «ە- Business» ساناتىنداعى ەڭ ۇزدىك جوبا اتاندى. كونكۋرسقا بارلىعى 64 ەلدەن 280 تەن استام جوبا قاتىستى.

2014 -جىلى استانا قالاسىنداعى ۇلتتىق مۋزەي جاڭا قۇندى ەكسپوناتتارمەن تولىقتى. ХVII عاسىرداعى حان تۋىنىڭ ەلەمەنتى، تولە ءبيدىڭ قالپىنا كەلتىرىلگەن شاپانى جانە مۇراجايعا ەۋرازيا وركەنيەتىنىڭ كوزى رەتىندە بوتاي مادەنيەتىنىڭ سەنساتسيالىق ارحەولوگيالىق قازىنالارى سىيعا تارتىلدى. مۇراجايدىڭ سوڭعى ەكسپوناتتارىن بەلگىلى قازاقستاندىق ارحەولوگ ۆيكتور زايبەرت بەردى.

2015 -جىلى شۆەيتسارياداعى Frank Muller مانۋفاكتۋراسى قازاقستان گەربى بەينەلەنگەن ساعات شىعاردى.

2016 -جىلى كەلندە ەۋروپالىق قازاقتار قاۋىمداستىعى مەن قازاقستان رەسپۋبليكاسىنىڭ گەرمانيا فەدەراتيۆتىك رەسپۋبليكاسىنداعى ەلشىلىگىنىڭ قولداۋىمەن ەۋروپا قازاقتارىنىڭ ءداستۇرلى كىشى قۇرىلتايى ءوتتى. وندا گەرمانيادان، ۇلى بريتانيادان، فرانسيادان، ۆەنگريادان، اۆستريادان، شۆەيتساريادان، شۆەتسيادان، دانيادان، نورۆەگيادان، نيدەرلاندىدان، تۇركيادان، سونداي- اق ا ق ش- تان كەلگەن ەكى مىڭعا جۋىق ەتنيكالىق دياسپورالاردىڭ وكىلدەرى جينالدى.

2018 -جىلى رەسەي، قازاقستان، گەرمانيا، پولشا جانە قىتايدىڭ بىرلەسكەن كينوتۋىندىسى - «ايكا» فيلمى 71- حالىقارالىق كانن كينوفەستيۆالىنىڭ نەگىزگى كونكۋرستىق باعدالاماسىنا ەندى. بۇل فيلمدە باستى ءرولدى كانن كينوفەستيۆالىنىڭ «ۇزدىك اكتريسا» اتالىمىنىڭ جەڭىمپازى سامال ەسلياموۆا سومدادى.

2019 -جىلى جامبىل وبلىسىنداعى تاۋلاردا جازۋشى شەرحان مۇرتازا اتىنداعى شىڭ پايدا بولدى. مەركى شاتقالىندا الپينيزمنەن وبلىستىق اشىق تاۋ فەستيۆالى وتكىزىلگەن بولاتىن. وسى ۋاقىتقا دەيىن شىڭ اتاۋسىز كەلگەن ەدى، ونى قازاقستاننىڭ حالىق جازۋشىسى شەرحان مۇرتازانىڭ قۇرمەتىنە اتادى.

سوڭعى جاڭالىقتار