قازاقپارات كۇنتىزبەسى: 14- قاڭتار
اتاۋلى كۇندەر
دۇنيەجۇزىلىك لوگيكا كۇنى يۋنەسكو فيلوسوفيا جانە گۋمانيتارلىق عىلىمدار ماسەلەلەرى جونىندەگى حالىقارالىق كەڭەسپەن بىرلەسىپ، 2019-جىلعى قاراشادا جاريالادى. ونىڭ باستى مىندەتى - ءپانارالىق عىلىمي قوعامداستىقتار مەن قالىڭ جۇرتشىلىقتىڭ نازارىن زياتكەرلىك تاريحقا، لوگيكانىڭ تۇجىرىمدامالىق ءمانى مەن پراكتيكالىق قولدانىلۋىنا نازار اۋدارۋ.
دۇنيەجۇزىلىك لوگيكا كۇنى
14- قاڭتاردا اتاپ وتىلەدى. ويتكەنى بۇل ⅩⅩ عاسىردا لوگيكانىڭ دامۋىنا ىقپال ەتكەن كورنەكتى ماتەماتيكتەر مەن لوگيكتەر كۋرت گەدەلدىڭ قايتىس بولعان كۇنى جانە الفرەد تارسكيدىڭ تۋعان كۇنى.
ەستە قالار وقيعالار
1935-جىلى قازاق مەملەكەتتىك فيلارمونياسى قۇرىلدى. 1938-جىلى وعان جامبىلدىڭ ەسىمى بەرىلدى. فيلارمونيانىڭ العاشقى كوركەمدىك جەتەكشىسى بەلگىلى عالىم، كومپوزيتور، قازاق مۋزىكاسى مەن قازاقتىڭ حالىق اۋەندەرى تۋرالى كوپتەگەن كىتاپتاردىڭ اۆتورى احمەت جۇبانوۆ بولدى.
1992 -جىلى قىزىلوردا پەداگوگيكا ينستيتۋتىنا ەجەلگى تۇركىلەردىڭ ۇلى اقىنى، ءارى كومپوزيتورى قورقىت اتا ەسىمى بەرىلدى.
1992 -جىلى كيمەپ ۋنيۆەرسيتەتى قۇرىلدى. رەسپۋبليكاداعى نارىقتىق ەكونوميكانى دامىتۋ ءۇشىن بىلىكتى جۇمىس كۇشىنە قاجەتتىلىك ماقساتىندا قۇرىلدى. كيمەپ ۋنيۆەرسيتەتى وقىتۋشىلىق قۇرامى قازاقستاندىق جانە شەتەلدىك وقىتۋشىلاردان تۇرادى، ولاردىڭ كوپشىلىگى وزدەرىنىڭ ماگيسترلىك جانە دوكتورلىق دارەجەلەرىن ەۋروپا مەن سولتۇستىك امەريكانىڭ جوعارى وقۋ ورىندارىنان العان.
1993 -جىلى قازاق مەملەكەتتىك ۋنيۆەرسيتەتىنە ءوزىنىڭ ينتەللەكتۋالدىق الەۋەتىن تولىق پايدالانۋ ماقساتىندا ءوزىن-ءوزى باسقاراتىن اۆتونومدى مەملەكەتتىك جوعارى وقۋ ورنى مارتەبەسى بەرىلىپ، ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتى دەپ اتالدى.
1994 -جىلى ەلباسى جارلىعىمەن قازاقستان رەسپۋبليكاسى پرەزيدەنتىنىڭ ارحيۆى قۇرىلدى.
1998 -جىلى بەلارۋس استاناسى مينسك قالاسىنىڭ ءبىر كوشەسىنە جازۋشى مۇحتار اۋەزوۆتىڭ ەسىمى بەرىلدى.
2006 -جىلى ماسكەۋدىڭ «رۋسسكي راريتەت» باسپاسى «عاسىرلار دانالىعى» سەرياسى اياسىندا قازاقتىڭ ۇلى اقىنى جامبىل جابايەۆتىڭ ولەڭدەر جيناعىن شىعاردى. جيناقتى باسپاعا ادەبيەت زەرتتەۋشىسى ساۋلە مانسۇروۆا دايىنداعان.
2013 -جىلى العاش رەت قازاقستاندىق پيانينوشى قىز حاديشا وڭالبايەۆا Steinway Artist قۇرمەتتى اتاعىنا يە بولدى.
2017 -جىلى قىزىلوردا وبلىسىنداعى سىعاناق، جانكەنت، كەسكەن-كۇيىك، شىرىك-رابات، ءبابىش-مولا، جەنت، بالاندى قالاشىقتارى، جەتىاسار مادەني ەسكەرتكىشتەرى جانە ساۋىسقاندىق پەتروگليفتەرى يۋنەسكونىڭ دۇنيەجۇزىلىك مۇرالارىنىڭ الدىن الا تىزىمىنە ەنگىزىلدى.
2017 -جىلى استانا - كوكشەتاۋ كۇرە جولىنداعى جان تۇرشىگەرلىك اپاتتا جانىن پيدا ەتسە دە، ەكى جاسار بالانى قۇتقارىپ قالعان قۇماربەك جاكەتاي ۇلىنىڭ تۋىستارىنا «باتىل جۇرەك» سىيلىعى بەرىلدى. ماراپات «حالىقتىڭ سۇيىكتىسى» ۇلتتىق سىيلىعىنىڭ اياسىندا تاعايىندالدى.
2018 -جىلى قازاقستاندىق اكتريسا، «مۇراعا قالعان ماحاببات» جانە «ساياحاتشى» سياقتى فيلمدەردەگى رولدەرى ارقىلى ەلگە تانىلعان ءمولدىر مەكەنبايەۆا بىرىككەن اراب امىرلىكتەرىندە برازيليالىق دجيۋ-دجيتسۋدان وتكەن حالىقارالىق ۇلكەن دۋلىعا جارىسىندا التىن مەدالدى جەڭىپ الدى.
2019 -جىلى بىرىككەن اراب امىرلىكتەرىنىڭ استاناسىندا حالىقارالىق جاڭارتىلاتىن ەنەرگيا كوزدەرى اگەنتتىگىنىڭ (IRENA) اسسامبلەياسى جانە دۇنيەجۇزىلىك بولاشاق ەنەرگياسىنىڭ ءسامميتى (World Future Energy Summit) ءوتتى.
اسسامبلەيانىڭ پلەنارلىق بولىگىندەگى وتىرىستا قازاقستان وكىلەتتىكتى تەكسەرۋ جونىندەگى كوميتەتتىڭ قۇرامىنا ەندى.
IRENA- نىڭ 9 مۇشە مەملەكەتىنەن تۇراتىن بۇل كوميتەت نەگىزگى باسقارۋ ورگاندارىنىڭ ءبىرى بولىپ تابىلادى.
2020 -جىلى شۆەيتساريادا پاراللەلدى موگۋلدان ەۋروپا كۋبوگى جارىسىندا قازاقستاندىق اناستاسيا گورودكو التىن جۇلدەگەر اتاندى.