22:31, 20 - قاراشا 2020 | GMT +6
ءۇندىستاندا قايعىلى اپاتتان 14 ادام قايتىس بولدى
نيۋ- دەلي. قازاقپارات - سولتۇستىك ءۇندىستاننىڭ ۋتتار- پرادەش شتاتىندا جەڭىل كولىك جۇك كولىگىنە سوعىلىپ سالدارىنان 14 ادام، ونىڭ ىشىندە 6 بالا قازا تاپتى، دەپ حابارلايدى قازاقپارات Hindustan Times گازەتىنە سىلتەمە جاساپ.
شەنەۋنىكتەردىڭ ايتۋىنشا، جول اپاتى لاكحناۋ استاناسىنان شامامەن 170 شاقىرىم (105 ميل) جەردە پراتاپگارح قالاسىندا بولعان. بەيسەنبى كۇنى كەشكە جول تالعامايتىن كولىك پراياگراج - لاكحناۋ تاس جولىندا توقتاپ تۇرعان جۇك كولىگىنە سوعىلعان. اۋداندىق پوليتسيانىڭ مالىمەتىنشە، كولىكتەگىلەر كورشى اۋىلداعى ۇيلەنۋ تويىنان قايتىپ كەلە جاتقان.
«جول تالعامايتىن كولىكتەگى جولاۋشىلاردىڭ ءبارى كوز جۇمعان. قايتىس بولعان بالالار 7 مەن 15 جاس ارالىعىندا بولدى»، - دەپ تولىقتىردى ۆەدومستۆودا.