ەلوردادا 14 جاستاعى وقۋشى قىز تىگىن كۋرسىن اشتى

نۇر-سۇلتان.قازاقپارات - جاستاعى جانەل ارنايى گرانت ۇتىپ الىپ، ءوز ءىسىن دوڭگەلەتە باستادى، دەپ حابارلايدى «حابار 24».

قازىر ول باسقا وقۋشىلاردى اسىرەسە كوپبالالى وتباسىلاردىڭ بالالارىن كاسىپكە ۇيرەتەدى. 3 ساعاتقا سوزىلاتىن كۋرستا جاسوسپىرىمدەر وزىندەرىنە قاجەتتى توسەك- جابدىق پەن ماسكا دايىندايدى. بۇگىنگە دەيىن ونداعان بالا تىگىن ونەرىن يگەرگەن. ايتا كەتۋ كەرەك، كۋرستار تەگىن جۇرگىزىلەدى.

جانەل،«جاڭا كاسىپ پەن مەكتەپتەگى وقۋ ءبىر- بىرىنە كەدەرگى جاسامايدى»، -دەيدى.

ول ءوز بولاشاعىن وسى سالامەن بايلانىستىرادى.

جانەل سەرىكوۆا، جوبانىڭ جەتەكشىسى:

- بۇل جوبانىڭ ماقساتى - بالالاردىڭ وزىنە دەگەن سەنىمىن ارتتىرۋ. اسىرەسە كارانتين كەزىندە كوپبالالى وتباسىدان شىققان جەتكىنشەكتەر ويىن سەرگىتسىن دەگەن ماقساتتا وسى جوبانى قولعا الدىق.