توكيوداعى اپتاپ ىستىق 14 ادامنىڭ ءومىرىن قيىپ كەتتى
قازا تاپقانداردىڭ توعىزى 80 جاستان اسقان ەگدە جاندار. تامىز ايىنىڭ ىشىندە اپتاپ ىستىقتان جاپون استاناسىنىڭ 26 تۇرعىنى مەرت بولدى.
13- تامىزدا ت ج م فۋنكتسيالارىن ورىندايتىن جاپونيانىڭ باس ءورت ءسوندىرۋ باسقارماسى 3- تامىزدان باستاپ 9- تامىزعا دەيىنگى ارالىقتا اپتاپ ىستىق سالدارىنان ون ادامنىڭ مەرت بولعانىن جانە 6,6 مىڭ ادامنىڭ زارداپ شەككەنىن حابارلاعان بولاتىن.
بيىلعى جازعى ماۋسىمدا وسى اپتا اسا ىستىق بولدى. كەيبىر اۋدانداردا تەرمومەتر باعانى 38 گرادۋستان اسىپ جىعىلدى. ال ورتالىق گۋمما پرەفەكتۋراسىندا 11- تامىز كۇنى اۋا 40,1 گرادۋسقا دەيىن قىزدى.
ايتا كەتەر جايت، جاپونيادا ادەتتە ەڭ ىستىق كەزەڭ شىلدە - ماۋسىم ايلارىنا تۋرا كەلەتىن.
دەگەنمەن سوڭعى ەكى جىل قاتارىنان شىلدەدە بۇلتتى ءارى جاڭبىرلى كۇندەر كوپ بولدى. ال وتكەن جىلى بۇكىل ەل اۋماعىندا اپتاپ ىستىقتان 126 ادام قايتىس بولىپ، 70 مىڭنان استامى زارداپ شەككەن ەدى.