جاڭبىر، جەل جانە بۇرشاق: 14- تامىزعا ارنالعان اۋا رايى بولجامى

نۇر-سۇلتان. قازاقپارات - 14- تامىزدا سولتۇستىك شىعىستان سوققان تسيكلون جانە ونىمەن بايلانىستى اۋا اعىندارى بولىكتەرىنىڭ اسەرىنەن قازاقستان تەرريتورياسىنىڭ باسىم بولىگىندە اۋا رايى قۇبىلمالى بولادى، دەپ حابارلايدى قازاقپارات قازگيدرومەتكە سىلتەمە جاساپ.

جۇمادا كەي جەرلەردە جاڭبىر جاۋادى، شىعىستا كۇن كۇركىرەپ، نايزاعاي وينايدى، داۋىل، بۇرشاق جاۋۋى ىقتيمال. تەك ەلدىڭ وڭتۇستىگىندە كۇن اشىق بولادى.

رەسپۋبليكانىڭ كەي جەرلەرىندە جەل كۇشەيەدى، سولتۇستىگىندە جانە ورتالىعىندا تۇمان تۇسەدى.

قاراعاندى، شىعىس قازاقستان وبلىستارىنىڭ كەي جەرلەرىندە داۋىل كۇتىلەدى، جەل 15-20 م/س كۇشەيەدى، بۇرشاق جاۋۋى ىقتيمال، قاراعاندى ​​وبلىسىندا تۇمان تۇسەدى.

باتىس قازاقستان، اتىراۋ، كۇندىز اقتوبە، قوستاناي، تۇندە جانە تاڭەرتەڭ الماتى وبلىستارىنىڭ كەي جەرلەرىندە 15-20 م/س جەل كۇشەيەدى، باتىس قازاقستان وبلىسىنىڭ سولتۇستىگىندە كەي جەرلەرىندە بۇرشاق جاۋۋى مۇمكىن.