+7 (701) 759 90 19
27 °С : نۇر-سۇلتان
32 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

مەدەۋ، بۋتاكوۆ، الما-اراسانعا 14- شىلدەدەن باستاپ كىرۋگە تىيىم سالىنادى

14 شىلدە 07:51
:ءبولىسۋ
مەدەۋ، بۋتاكوۆ، الما-اراسانعا 14- شىلدەدەن باستاپ كىرۋگە تىيىم سالىنادى

الماتى. قازاقپارات - ەپيدەميولوگيالىق جاعدايدىڭ ناشارلاۋىنا بايلانىستى جانە كوروناۆيرۋستىڭ تارالۋىنا جول بەرمەۋ ماقساتىندا الماتى اكىمدىگى 14- شىلدەدەن باستاپ كۇشەيتىلگەن كارانتين رەجيمى اياقتالعانعا دەيىن ۇلتتىق پارك، تۋريستىك نىساندارعا (مەدەۋ، بۋتاكوۆ، الما-اراسان) كەز كەلگەن كولىك ءتۇرىنىڭ كىرۋىنە تىيىم سالدى، دەپ حابارلايدى قازاقپارات ءتىلشىسى.

سونداي-اق اتالعان اۋماقتاردا وسى ەرەجەلەردى قاتاڭ ۇستانا وتىرىپ جاياۋ جانە ۆەلوسيپەدپەن سەرۋەندەۋگە تەك جۇمىس كۇندەرى رۇقسات ەتىلەدى:

1. وزىمەن بىرگە ازىق-تۇلىك (سۋسىننان باسقا) اكەلۋگە، وتىرىس ۇيىمداستىرۋعا جانە وت جاعۋعا قاتاڭ تىيىم سالىنادى؛

2. پارك اۋماعىندا ءۇش ادامنان ارتىق توپتاسۋعا بولمايدى؛

3. سانيتارلىق نورمالاردى جانە الەۋمەتتىك اراقاشىقتىقتى ۇستانۋ قاجەت (ماسكا كيۋ، ادامدار اراسىندا قاشىقتىق ساقتاۋ).

دەمالىس كۇندەرى (سەنبى جانە جەكسەنبى) ۇلتتىق پارك اۋماعى كەلۋشىلەر ءۇشىن تولىعىمەن جابىق بولادى.

كارانتين شارالارىنىڭ ساقتالۋىن ت ج د، قۇقىق قورعاۋ ورگاندارى، سەس جانە ۇلتتىق پارك قىزمەتكەرلەرى بىرلەسىپ قاداعالايدى.

جوعارىدا كورسەتىلگەن ەرەجەلەردى بۇزعان ازاماتتار پارك اۋماعىنان شىعارىلىپ، اكىمشىلىك جاۋاپكەرشىلىككە تارتىلادى. قالا تۇرعىندارىنا كارانتين كەزىندە تاۋعا بارماۋعا كەڭەس بەرىلەدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات