+7 (701) 759 90 19
28 °С : نۇر-سۇلتان
32 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

قازاقپارات كۇنتىزبەسى: 14- شىلدە

14 شىلدە 07:30
:ءبولىسۋ
قازاقپارات كۇنتىزبەسى: 14- شىلدە

نۇر-سۇلتان. قازاقپارات - قازاقپارات وقىرماندارىنا 2020-جىلعى 14- شىلدەگە ارنالعان كۇنتىزبەسىن ۇسىنادى.

ەستە قالار وقيعالار

1997-جىلى قازاقستان رەسپۋبليكاسى پرەزيدەنتى نۇرسۇلتان نازاربايەۆتىڭ جارلىعىمەن «قازاتومونەركاسىپ» ۇلتتىق اتوم كومپانياسى قۇرىلدى.

2005-جىلى الماتىدا ورتالىق ازياداعى ادام قۇقىعىن قورعايتىن مۇسىلمان كوميتەتىنىڭ باس كەڭسەسى اشىلدى. كوميتەت مۇشەلەرى بولىپ زاڭگەرلەر، تەولوگتار جانە ءدىني قاۋىم وكىلدەرى تىركەلدى. ۇيىمنىڭ ماقساتى - ازاماتتاردىڭ ۇلتىنا، دىنىنە جانە ساياسي تيىستىلىگىنە قاراماستان قۇقىعىن قورعاۋ.

2009-جىلى ە. بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ ارحەولوگتار ەكسپەديتسياسى نۇرا وزەنىنىڭ ورتاڭعى اعىسىنىڭ تۇسىنان ساق ءداۋىرىنىڭ جادىگەرلەرىن تاپتى. سامارقاند جانە تەگىسجول اۋىلدارىنىڭ اراسىنداعى تەمىرقاش شاتقالىندا جۇرگىزىلگەن قازبا جۇمىستارىنىڭ ناتيجەسىندە تەمىر قورامساق، جەبەنىڭ ۇشى، جاس سارباز بەلبەۋىنىڭ ايىلباسى سياقتى زاتتار تابىلعان.

ارحەولوگتار بۇل جادىگەرلەرگە 2 مىڭ جىلدان استام ۋاقىت بولعان دەپ پايىمدادى.

2009-جىلى قازاقستان قۇراما كومانداسى 50-حالىقارالىق ماتەماتيكا وليمپياداسىنا قاتىسۋ ءۇشىن برەمەن قالاسىنا (گەرمانيا) باردى.

حالىقارالىق ماتەماتيكا وليمپياداسىنىڭ ۇيىمداستىرۋ كوميتەتىنىڭ قورىتىندى وتىرىسىندا 95 ەلدىڭ وكىلدەرى 2010-جىلى 51-حالىقارالىق ماتەماتيكا وليمپياداسىن ۇيىمداستىرۋشى ەل رەتىندە قازاقستاندى تاڭدادى.

2009-جىلى الماتىدا قاشىقتىعى 1500 شاقىرىمدى قۇرايتىن الماتى - بۋراباي باعىتى بويىنشا اۆتوجارىس-ەكسپەديتسياسى ءوتتى.

2011-جىلى قازاقستان اۋماعىندا اقىن، جۋرناليست، دراماتۋرگ جانە كومپوزيتور قاسىم امانجولوۆتىڭ تۋعانىنا 100 جىل تولۋىنا وراي پوشتا ماركاسى قولدانىسقا ەنگىزىلدى.

2011-جىلى پەتروپاۆل قالاسىنىڭ ورتالىعىندا قازاقستان كونستيتۋتسياسى مەن پ. ۆاسيليەۆ كوشەلەرىنىڭ قيىلىسىندا بيىكتىگى 28,5 مەترلىك تاۋەلسىزدىك ستەلاسىنىڭ قۇرىلىسى باستالدى. ونىڭ ەڭ جوعارعى تۇسىنا سامۇرىق قۇسى ورناتىلعان.

2012-جىلى امەريكانىڭ Nadine Krakov Collection دۇكەنى ەۆاۋ ەلەكتروندى اۋكتسيونىندا XVII عاسىردا قازاقستاندا تىگىلگەن الەمدەگى ەڭ قىمبات تاقيانى ساتىلىمعا شىعاردى. اسىل تاستارمەن اشەكەيلەنگەن كونە باس كيىمنىڭ باستاپقى باعاسى 15,5 مىڭ دوللار رەتىندە بەلگىلەندى.

2014-جىلى قازاقستان جاستار ساياساتى بويىنشا ءبىرىنشى جاھاندىق فورۋمعا قاتىسۋ ءۇشىن باكۋگە (ازەربايجان) شاقىرتىلدى.

2016-جىلى قازاقستاندىق بالەت جۇلدىزى، Astana Opera تەاترىنىڭ جەتەكشى ءانشىسى باقتيار ادامجان ىستانبۇلدا (تۇركيا) V حالىقارالىق بالەت ارتىستەرى بايقاۋىندا گران-پري يەگەرى اتاندى.

2018-جىلى ارشالى اۋدانى جىبەك جولى كەنتىندە 13 گەكتار اۋماقتا قازاقستان مەن ت م د ەلدەرىندە تەڭدەسى جوق بىرەگەي دەمالىس ايماعى اشىلدى. تابيعاتى، لاندشافتى اسەم كوپفۋنكتسيالى كەشەن وزەننىڭ جاعاسىندا ورنالاسقان.

2019-جىلى سەمەي قالاسىنداعى جەدەل مەديتسينالىق جاردەم اۋرۋحاناسىندا گيبريدتى حيرۋرگيالىق وپەراتسيالار ءۇشىن جاڭادان جوعارى تەحنولوگيالىق زال اشىلدى. بۇل رەسپۋبليكاداعى جالعىز كەشەن بولىپ تۇر.

بۇل گيبريدتى وپەراتسيالىق زالدىڭ ەرەكشەلىگى سوندا، بۇندا ماسەلەن، جول اپاتىنا تۇسكەن ناۋقاسقا بىردەن بىرنەشە وپەراتسيا ءتۇرىن جاساۋعا بولادى. ناۋقاستىڭ جۇرەگىنە جانە باسىنداعى ميىنا اشىق تاسىلدەرمەن وتا جاساۋعا مۇمكىندىك تولىق بار.

2019-جىلى اتىراۋ ماڭىنداعى اقتوبە-لاەتي قالاشىعىنداعى قازبا جۇمىستارى كەزىندە ارحەولوگتار ورتا عاسىرلارداعى جۇمباق تاس يادروسىن تاپتى. «ەجەلگى - XIV- XVI عاسىرلارداعى اقتوبە- لاەتي قالاسىنداعى قازبا جۇمىستارىن قايتا باستاعان كەزدە بىزگە ساتتىلىك سەرىك بولدى.

بىرىنشىدەن، ونداعان پەشى بار تۇتاس ونەركاسىپتى قازىپ الدىق. ولارعا مەتالل قۇيىپ، ساپالى كەراميكالىق ىدىس-اياق، ءتىپتى شىنى جاساعان. ءبىراق ەڭ قۇندى جانە ازىرگە تۇسىنىكسىز تابىسىمىز - تەسىكتەرى بار تاس يادروسى، ىشىندە مەتال دوپ بار. مۇنداي يادرونى نە ءۇشىن دايىنداعانى ازىرگە تۇسىنىكسىز»، - دەدى ارحەولوگ مارات حاسەنوۆ.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات