ەۋروپاعا كىرۋگە 14 ەلدىڭ تۋريستەرى ءۇشىن رۇقسات ەتىلدى
رەسەي مەن ا ق ش بۇل تىزىمگە ەنبەگەن. بۇل تۋرالى سەيسەنبى كۇنى جاريالانعان ە و كەڭەسىنىڭ مالىمدەمەسىندە ايتىلعان، دەپ حابارلايدى قازاقپارات ت ا س س اگەنتتىگىنە سىلتەمە جاساپ.
قۇجاتتا ايتىلعانداي، قىتاي ءوز تاراپىنان ە و ازاماتتارى ءۇشىن شەكارانى اشۋعا دايىن ەكەنىن راستاسا، تىزىمگە 15- ەل بوپ قوسىلا الادى. «قوعامداستىق ەلدەرى 1- شىلدەدەن باستاپ مىنا مەملەكەتتەر ءۇشىن سىرتقى شەكارالار ارقىلى كىرىپ-شىعۋعا قويىلعان شەكتەۋلەردى الۋى ءتيىس: الجير، اۋستراليا، كانادا، گرۋزيا، جاپونيا، چەرنوگوريا، ماروككو، جاڭا زەلانديا، رۋاندا، سەربيا، وڭتۇستىك كورەيا، تايلاند، تۋنيس جانە ۋرۋگۆاي. قىتاي ءوز تاراپىنان قارسى ەمەس ەكەنىن راستاۋى كەرەك»، - دەلىنگەن مالىمدەمەدە.
دەگەنمەن، ە و ەلدەرى اتالعان مەملەكەتتەرمەن شەكارانى ءبىر مەزگىلدە جانە دەرەۋ اشۋعا مىندەتتى ەمەس.
«بۇل ءتىزىم زاڭ جۇزىندە مىندەتتەلگەن قۇجات بولىپ تابىلمايدى»، - دەلىنگەن وندا.