موڭعوليا پرەزيدەنتى ەلگە كەلگەن سوڭ 14 كۇنگە كارانتينگە جاتقىزىلدى
قاۋىپتى ۆيرۋستى ەلگە تاراتپاۋ كەشەندى شارالارىنىڭ ەرەجەسىنە سايكەس، مەملەكەت باسشىسىمەن بىرگە بارعان رەسمي تۇلعالار شىڭعىس حان حالىقارالىق اۋەجايىندا كوروناۆيرۋسقا تەكسەرىستەن ءوتىپ، ارنايى مەكەمەگە 14 كۇنگە وقشاۋلاندىرىلدى.
رەسمي مالىمەت بويىنشا، پرەزيدەنت ح. باتتۋلگا استانالىق ەمحانالاردىڭ بىرىنە جەكە جاتقىزىلسا، ونىمەن بىرگە بارعان ىشكى ساياسات مەكەمەسىنىڭ ءمينيسترى د. تسوگتبااتار، توتەنشە جاعدايلار بويىنشا باس باسقارما (ت ج ب ب) باسشىسى، گەنەرال-مايور ت. بادرال، پرەزيدەنت اكىمشىلىگىنىڭ باسشىسى ۋ. شيجير، سىرتقى ساياسات بويىنشا پرەزيدەنت كەڭەسشىسى ت. تەگشجارگال استانالىق حان-ۋۋل اۋدانى اۋماعىندا «جارگالانت» تاۋ شاتقالىنداعى ارنايى وڭالتۋ شيپاجايىنا جىبەرىلدى.
ەسكە سالا كەتسەك، موڭعوليا پرەزيدەنتى مەن ق ح ر ءتوراعاسىنىڭ كەزدەسۋى قىتايدا جاڭا كوروناۆيرۋس پايدا بولىپ، وعان جالپى ۇلتتىق كۇرەس جالعاسىپ جاتقان ساتتە ءوتتى. بۇل كورشىلەس ەكى ەل اراسىنداعى ستراتەگيالىق سەرىكتەستىك ءوزىنىڭ ەڭ جوعارعى دارەجەسىنە جەتكەندىگىن كورسەتەدى.