شىعىس قازاقستاندا 14 جىل بويى مەملەكەتارالىق ىزدەۋدە جۇرگەن قىلمىسكەر ۇستالدى
«جۇرگىزىلگەن كەشەندى جەدەل- ىزدەستىرۋ ءىس-شارالارىنىڭ ناتيجەسىندە پوليتسەيلەر ىزدەۋدە جۇرگەن ەر ادامدى رەسەي فەدەراتسياسى كەمەروۆو قالاسىنان ۇستادى. وعان اسا اۋىر قىلمىس جاساعانى ءۇشىن ىزدەۋ جاريالانعان بولاتىن»، - دەلىنگەن حابارلامادا.
تەرگەۋ نۇسقاسىنا ساي، 1996 -جىلدىڭ جازىندا كۇدىكتى بىرنەشە ادامداردان قۇرالعان توپپەن ءسوز بايلاسىپ، كىسى ولتىرگەن. قىلمىس بارىسىندا ولار ەكى ادامعا پىشاقتاپ كەتكەن.
«وسى قىلمىس 2004 -جىلى اشىلىپ، اسا اۋىر قىلمىستى جاساعاندارى ءۇشىن ءۇش كۇدىكتى ەر ادام ءارتۇرلى مەرزىمگە باس بوستاندىعىنان ايىرىلعان. سول ۋاقىتتا قىلمىستىق ءىستىڭ ءتورتىنشى فيگۋرانتى قازاقستان اۋماعىنان بوي تاسالاپ كەتكەن. ول ون ءتورت جىل بويى كورشى مەملەكەتتە جاسىرىنعان. قازىر وسى كۇدىكتىنى قازاقستانعا ەكستراديتسيالاۋ تۋرالى ماسەلە شەشىلۋدە»، - دەلىنگەن حابارلامادا.
اۆتور: ايان بەكەن ۇلى