قازاقپارات كۇنتىزبەسى: 14-قاراشا
اتاۋلى كۇندەر
دۇنيەجۇزىلىك ساپا كۇنى
جىل سايىن قاراشانىڭ ەكىنشى بەيسەنبىسىندە اتالىپ وتەدى. وسىنداي مەرەكەنى جىل سايىن تويلاۋ باستاماسىن ەۋروپا ساپا ۇيىمى ۇسىنىپ، ب ۇ ۇ قولدادى. مەرەكە 1990-جىلى بەكىتىلدى. حالىقارالىق كۇنتىزبەگە بۇل اتاۋلى كۇندى ەنگىزۋدەگى ماقسات ءارتۇرلى ەلدەردەگى الۋان ءتۇرلى كومپانيالار ۇسىناتىن ونىمدەر مەن قىزمەتتەردىڭ ساپاسىنا جۇرتشىلىقتىڭ نازارىن اۋدارۋ بولدى.
دۇنيەجۇزىلىك قانت ديابەتىنە قارسى كۇرەس كۇنى
ب ۇ ۇ باس اسسامبلەياسىنىڭ 2006-جىلعى 20-جەلتوقسانداعى ارنايى قارارىندا جاريالانعان. 2007-جىلدان باستاپ، جىل سايىن 14- قاراشا كۇنى اتالىپ وتەدى.
العاشقى رەت دۇنيەجۇزىلىك ديابەت كۇنىن 1991-جىلى IDF پەن د د س ۇ وتكىزگەن. ونىڭ ماقساتى - دۇنيە ءجۇزىن ديابەتكە قارسى كۇرەسكە جۇمىلدىرۋ.
ەستە قالار وقيعالار
1944-جىلى گرۋزين س س ر- دەن مەسحەتتىك تۇرىكتەردى جەر اۋدارۋ باستالدى (كۇردتەر، حەمشيلدەر جانە مۇسىلمان مەشحتەرى دە جەر اۋدارىلدى). مەسحەت تۇرىكتەرى قازاقستانعا، قىرعىزستانعا جانە وزبەكستانعا ءماجبۇرلى تۇردە قونىس اۋداردى. جالپى 115,5 مىڭ ادام شىعارىلدى. جەر اۋدارىلعان مەسحەت تۇرىكتەرى ورتالىق ازيانىڭ ءۇش رەسپۋبليكاسىنىڭ ءارتۇرلى ايماقتارىنداعى بولەك اۋىلدارعا «ارنايى قونىس اۋدارۋشىلار» رەتىندە (ياعني، تۇرعىلىقتى جەرىن وزگەرتۋ قۇقىعىنسىز) تاراتىلدى.
2006-جىلى استانادا مەملەكەت باسشىسى نۇرسۇلتان نازاربايەۆتىڭ قاتىسۋىمەن ا ق ش ەلشىلىگىنىڭ رەسمي اشىلۋ سالتاناتى بولىپ ءوتتى.
2008-جىلى باكۋ قالاسىندا قازاقستاندىق «قاز مۇناي گاز» كومپانياسى مەن «SOCAR» (ازەربايجاننىڭ مەملەكەتتىك مۇناي كومپانياسى) قازاقستاندىق كاسپي تاسىمالداۋ جۇيەسىن قۇرۋ تۋرالى كەلىسىمگە قول قويدى.
قازاقستاندىق كاسپي تاسىمالداۋ جۇيەسىنە (ق ك ت ج) «ەسكەنە-قۇرىق» مۇناي قۇبىرىنىڭ قۇرىلىسى جانە ترانس كاسپي جۇيەسىن (قۇرىق-باكۋ) قۇرۋ كىرەدى.
2011-جىلى قازاقستاندا رەسپۋبليكانىڭ تاريحىندا العاش رەت «كاسىپكەرلىكتىڭ عالامدىق اپتالىعى» ءوتتى.
اپتا بويى قازاقستانداعى قوزعالىس قاتىسۋشىلارى بيزنەستى دامىتۋ پروبلەمالارى مەن ماسەلەلەرىنە نازار اۋداردى.
2012-جىلى نيۋ-يوركتە ب ۇ ۇ باس اسسامبلەياسىنىڭ 67-سەسسياسىنىڭ اياسىندا ب ۇ ۇ- نىڭ ادام قۇقىقتارى جونىندەگى كەڭەسىنە سايلاۋ ءوتىپ، سونىڭ بارىسىندا قازاقستان رەسپۋبليكاسى العاش رەت كەڭەس مۇشەسى بولىپ سايلاندى. قازاقستان كانديداتۋراسى ءۇشىن 183 مەملەكەت داۋىس بەرگەن.
2013-جىلى تۇتىنۋشىلاردىڭ قۇقىقتارىن قورعاۋدىڭ قۇقىقتىق، ەكونوميكالىق جانە الەۋمەتتىك نەگىزدەرىن، سونداي-اق تۇتىنۋشىلاردى قاۋىپسىز جانە ساپالى تاۋارلارمەن قامتاماسىز ەتۋ شارالارىن جۇرگىزەتىن تۇتىنۋشىلار قۇقىقتارىن قورعاۋ جونىندەگى اگەنتتىك قۇرىلدى.
2018-جىلى جاستاردى جان-جاقتى قولداۋ ماقساتىندا مەملەكەت باسشىسى نۇرسۇلتان نازاربايەۆ ءوزىنىڭ جارلىعىمەن 2019-جىلدى جاستار جىلى دەپ جاريالادى.
2018-جىلى قازاقستاندىق 120 بىتىمگەر ب ۇ ۇ- نىڭ ليۆانداعى ۋاقىتشا كۇشتەرىنىڭ قۇرامىندا قىزمەت ەتەتىن «ب ۇ ۇ كوك دۋلىعا» قاتارىنا قوسىلدى. ميسسيانىڭ نەگىزگى مىندەتى - ليۆان-يزرايل شەكاراسىن باقىلاۋ جانە ليۆاندا بەيبىتشىلىك پەن قاۋىپسىزدىكتى ساقتاۋ.