+7 (701) 759 90 19
5 °С : نۇر-سۇلتان
7 °С : الماتى
USD 389.81 EUR 430.27
RUB 6.06 CNY 54.91
جاڭالىقتار

قازاقستاندا سوڭعى سەگىز جىلدا 14 تەراكت جاسالدى

18 قىركۇيەك 22:07
:ءبولىسۋ
قازاقستاندا سوڭعى سەگىز جىلدا 14 تەراكت جاسالدى

الماتى. قازاقپارات- الماتىداعى شەت تىلدەرى پەداگوگيكالىق كوللەدجىنىڭ ستۋدەنتتەرىنە زايىرلى قوعامداعى يسلام ءدىنىنىڭ ءرولى، ءدىني ەكسترەميزم مەن تەرروريزمنىڭ الدىن الۋ جۇمىستارى ءتۇسىندىرىلدى، دەپ حابارلايدى قازاقپارات ءتىلشىسى.

الماتى قالالىق قوعامدىق دامۋ باسقارماسىنىڭ ۇيىمداستىرۋمەن شاھارداعى ج و و مەن كوللەدج ستۋدەنتتەرىنە ەكسترەميزم مەن تەرروريزمنىڭ الدىن الۋ جۇمىستارى تۇسىندىرىلۋدە. ارنايى قۇرىلعان اقپاراتتىق توپ مۇشەلەرى جاستارعا ءبىر ساعات ءدارىس وقىپ، ستۋدەنتتەردىڭ ءدىن سالاسىنا قاتىستى سۇراقتارىنا جاۋاپ بەرەدى.

ءال- فارابي اتىنداعى قازۇۋ ءدىنتانۋ جانە مادەنيەتتانۋ كافەدراسىنىڭ اعا وقىتۋشىسى ەلنار بەرىكبايەۆ شەت تىلدەرى پەداگوگيكالىق كوللەدجىنىڭ ستۋدەنتتەرىنە زايىرلى قوعامداعى يسلام ءدىنىنىڭ ءرولىن ءتۇسىندىرىپ، ءدىني ەكسترەميزم مەن تەرروريزمنىڭ قاۋپىن ايتتى.

«رەسمي دەرەك بويىنشا بۇگىندە ەلىمىزدە 15 مىڭداي ازامات تەرىس ءدىني اعىمنىڭ جەتەگىندە ءجۇر. سوڭعى 8 جىلدا ەلىمىزدە 14 تەراكت بولعان، سالدارىنان 90 ادام قازا تاپتى. 32 ادام لاڭكەستىك بويىنشا ءومىر بويىنا باس بوستاندىعىنان ايىرىلسا، تاعى 50-دەي ادام جازاسىن وتەۋدە. سوندىقتان تەرروريزمگە قارسى كۇرەستە ازاماتتارىمىزعا ءوز قۇندىلىقتارىمىزدى دارىپتەپ، يدەيا ەتىپ ۇسىنىپ جاتىرمىز. ماسەلەن، ا ق ش حالقىن «امەريكالىق ارمان» سياقتى ۇراندار بىرىكتىرەدى. ءبىزدىڭ قۇندىلىقتارىمىزدىڭ قاتارىندا ۇلكەندى سىيلاۋ، كىشىگە ىزەت كورسەتۋ، جاقىنىڭا قول ۇشىن سوزاتىن «اسار» سالتى بار. قوناقجايلىق، بەيبىتسۇيگىشتىك سياقتى ەرەكشەلىكتەرىمىز كوپ. وسىنىڭ ءبارىن دارىپتەي ءبىلۋىمىز قاجەت»، - دەيدى ءدىنتانۋشى ەلنار بەرىكبايەۆ.

قازاقستاندا ازاماتتاردىڭ ءدىني سەنىم بوستاندىعى قامتاماسىز ەتىلگەن. كونستيتۋتسيا مەن ۇلتتىق زاڭنامالار ەل تۇرعىندارىنا بارىنشا كەڭ قۇقىقتار بەرۋمەن قاتار، ءبىر مەزگىلدە ولاردىڭ مەملەكەت پەن قوعام الدىنداعى مىندەتتەرىن دە ايقىنداپ بەردى.

«قازاقتىڭ باتىرى باۋىرجان مومىش ۇلىنىڭ «ءتارتىپسىز ەل بولمايدى، تارتىپكە باعىنعان قۇل بولمايدى» دەگەن اتالى ءسوزى بار. ياعني، زاڭىن، ەرەجە- ءتارتىبىن سىيلاماعان ەلدىڭ بولاشاعى بۇلىڭعىر دەگەن ءسوز. قازاقستان ءوزىنىڭ دەموكراتيالىق، زايىرلى، قۇقىقتىق جانە الەۋمەتتىك مەملەكەت ەكەنىن كونستيتۋتسيا ارقىلى بەكىتىپ، مەملەكەت پەن ءدىننىڭ اراقاتىناسىن رەتتەيتىن زايىرلىلىق قاعيداتتارىنا سۇيەنەدى»، - دەپ ءتۇسىندىردى ەلنار بەرىكبايەۆ.

كەزدەسۋ بارىسىندا ءدىنتانۋشى ەلنار بەرىكبايەۆ مەملەكەتتىك ءبىلىم بەرۋ جۇيەسى دە زايىرلى جانە ونىڭ ءدىني ءبىلىم بەرۋ جۇيەسىنەن بولەك ەكەنىن باسا ايتتى.

«زايىرلىلىق ءبىلىم مەكەمەلەرىندە جاستاردىڭ بويىندا بەلگىلى ءبىر ءدىني كوزقاراستى قالىپتاستىرۋ دۇرىس ەمەستىگىن بىلدىرەدى. سوندىقتان مەكتەپتەگى حيدجاب ماسەلەسىن كوتەرۋشى ازاماتتار سەنىم بوستاندىعىنا مۇمكىندىك بەرەتىن زاڭعا جانە باسشىعا باعىنۋى ءتيىس. ال مەكتەپ قابىرعاسىندا حيدجابقا رۇقسات بەرىلمەۋى ءبىلىم مەكەمەسىنىڭ ىشكى ءتارتىبىن زايىرلىلىق قاعيداتتارىنا ساي ساقتاۋ ماقساتىندا عانا جاسالادى. مەكتەپتەن تىس ورىنداردا بۇل ماسەلەگە قاتىستى ەشقانداي تىيىمدار كوزدەلمەگەن»، - دەپ قورىتىندىلادى ءدىنتانۋشى.

سونىمەن قاتار، لەكتور ستۋدەنتتەرگە ءدىن سالاسىنا قاتىستى سۇراقتار قويىپ، پىكىرلەرىن تىڭدادى. جاستاردى اشىق ديالوگكقا شاقىردى. كوللەدج ستۋدەنتتەرى ويلارىن جاسىرماي ايتىپ، وزدەرىن تولعاندىرعان سۇراقتارىن قويىپ، تولىققاندى جاۋاپ الدى.

اۆتور: الما مۇقانوۆا



باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات