ۇلتتىق ارنادا وتاندىق 14 جاڭا تەلەحيكايا كورسەتىلەدى
بۇل تۋرالى قازمەديا ورتالىعىندا ۇلتتىق ارنانىڭ 61- ماۋسىمىنىڭ اشىلۋىندا ايتىلدى.
جاڭا تۋىندىلار قاتارىندا قازاق حالقىنىڭ جوڭعار شاپقىنشىلىعىنا قارسى ازاتتىق سوعىسىنداعى العاشقى بەتبۇرىس - «وربۇلاق شايقاسى»، ساحنا سىرتىنداعى ءومىر كورىنىسىن بەينەلەيتىن «جاڭعىرىق»، تاعدىردىڭ تۇرمىسىنا مويىماعان «قاناتسىز قۇستار»، «گاۋھار»، «47 بالانىڭ اناسى»، شىتىرمانعا تولى «قاشقىن»، «جولايرىق»، تاعدىردىڭ جازۋىمەن ەكىگە بولىنگەن «ەگىز عۇمىر»، وزگەنىڭ ءومىرى ءۇشىن ارپالىسقان «عازيز جۇرەك»، وتباسى مەن ماحاببات تاڭداۋعا تۇسكەن «اۋلەت ارى» تەلەحيكايالارى بار.
سونىمەن بىرگە، وتان سۇيگىشتىككە ۇندەيتىن، نامىستى شىڭدايتىن «شەكارا»، «اسكەردەن حات»، ەكى ءتۇرلى ۇلت پەن دۇنيەتانىمدى ءبىر شاڭىراققا توعىستىرعان «قارا جورعا»، ۇلكەن ارمانعا اسىققان «ەلدىڭ بالاسى» سەريالدارى بار.
سونىمەن بىرگە، تاريحتىڭ اقتاڭداق بەتتەرىن پاراقتايتىن «بەيمالىم الاش»، «ءبىر پەسا ىزىمەن»، «تۇلعالار»، كورىكتى جەرلەردىڭ تۇرمىس-تىرشىلىگىمەن تانىستىراتىن «كەڭ بايتاق قازاق ەلى»، «رۋحاني جاڭعىرۋ. ەكى جىلدىق اسۋ» دەرەكتى فيلمدەرى كورەرمەنگە جول تارتادى.
بۇعان دەيىن «قازاقستان» ر ت ر ك» ا ق باسقارما ءتوراعاسى ءلاززات تانىسباي ۇلتتىق ارنانىڭ 61-ماۋسىمىن اشقان بولاتىن.
ەسكە سالا كەتسەك، كۇزگى جاڭا ماۋسىمدا «Qazaqstan» ۇلتتىق ارناسىنان 14 جاڭا جوبا ەفيرگە شىعادى. وسىعان دەيىن كورەرمەن ىقىلاسىنا بولەنىپ ۇلگەرگەن 10 باعدارلاما جاڭاشا فورماتتا قايتا ۇسىنىلدى.