دارىگەرلەر 14 ساۋساقپەن تۋعان قىزدىڭ ارتىق ساۋساعىن كەسىپ تاستادى
14 ساۋساقپەن تۋعان ءۇش جاسار قىس كەدەي وتباسىنان شىققان. ونىڭ تۋىستارىنىڭ بەس ۇرپاعىندا بىردەي ساۋساق كەمىستىگى بولعان ەكەن. ءبىراق، ولاردا وتا جاساتۋعا مۇلدە اقشا بولماعاندىقتان، ولار 14 ساۋساقپەن ءومىر سۇرە بەرگەن.
ال، بۇل قىزعا لياۋنيڭ پروۆينتسياسىنىڭ شەنيان قالاسىنداعى اۋرۋحانانىڭ دارىگەرلەرى كومەكتەستى. ولار ءبۇلدىرشىننىڭ اتا- اناسىنا قىزدىڭ ەكى قولىنىڭ دا ادەمى بولاتىنىنا ۋادە بەرىپ، ساۋساقتارىن ەش قيىندىقسىز قوزعالتا الاتىن بولادى، دەپ سەندىرگەن.
«قىزدىڭ ءار قولىندا ەكى ارتىق ساۋساق بولدى. مۇنداي ءجيى كەزدەسە بەرمەيدى. ءبىز تەك ساۋساقتاردىڭ قايسىسىن الىپ تاستاۋ جانە قاي ساۋساقتاردى قالدىرۋ كەرەكتىگىن ناقتى بىلمەدىك» ، - دەيدى حيرۋرگ جاڭ جيە.
ءبىر قىزىعى، قىزدىڭ ەكى قولى ەكى ءتۇرلى بولعان ەكەن. سول قولىنا ەكى قوسىمشا ساۋساق بىرگە بىتكەن بولسا، وڭ قولىندا ۇلكەن ساۋساقتان ەكى قوسىمشا ساۋساق ءوسىپ شىققان.