رەسەيدە 14 ءتىل جويىلىپ كەتكەن

نۇر-سۇلتان. قازاقپارات - رەسەيدە سوڭعى 150 جىلدا 14 ءتىل جويىلعان.

حالىقارالىق «رەسەيدەگى بايىرعى حالىقتار تىلدەرى جىلىنىڭ» اشىلۋىنا ارنالعان باسپا ءسوز ءماسليحاتىندا ۇلتتار ىستەرى جونىندەگى فەدەرالدىق اگەنتتىكتىڭ باسشىسى يگور بارينوۆ وسىنداي دەرەكتى كەلتىردى، دەپ حابارلايدى ت ا س س.

«جاھاندانۋ ۇدەرىسى رەسەي فەدەراتسياسىن دا شەت اينالىپ وتكەن جوق. ول ۇساق تىلدەردىڭ جويىلۋ قاۋپىن ارتتىرىپ وتىر. ءبىزدىڭ فيلولوگ عالىمدارىمىزدىڭ ەسەبى بويىنشا، رەسەيدە 150 جىلدا 14 ءتىل ولگەن»، - دەيدى بارينوۆ.

بايىرعى حالىقتار تىلدەرىنىڭ حالىقارالىق جىلى 2019-جىلى پاريج قالاسىندا باستالعان بولاتىن.

ال جىلدىڭ رەسەيدەگى رەسمي اشىلۋ سالتاناتى يۋگرادا ناۋرىز ايىندا بولادى. ب ۇ ۇ دەرەكتەرىنە سۇيەنسەك، الەمدە بايىرعى حالىقتار وكىلدەرىنىڭ جالپى سانى 370 ميلليون شاماسىندا، ولار 90 ەلدە تىرشىلىك كەشىپ جاتىر.