ۇلىتاۋعا بىلتىر 14 مىڭنان استام تۋريست كەلگەن

None
None
 استانا. قازاقپارات - ۇلىتاۋعا بىلتىر 14 مىڭنان استام تۋريست كەلىپ، تاريحي ەسكەرتكىشتەر مەن كيەلى وڭىرلەردى ارالاپ قايتقان.

بۇل تۋرالى « ۇلىتاۋ» ۇلتتىق تاريحي- مادەني جانە تابيعي مۋزەي- قورىعى ديرەكتورىنىڭ ورىنباسارى بايان شايگوزوۆا ءمالىم ەتتى، دەپ حابارلايدى قازاقپارات ءتىلشىسى.

«ءبىز كەيىنگى 8 جىلدىڭ ىشىندە ءتۋريزمدى دامىتۋ ءۇشىن ءبىرقاتار ءىس- شارانى اتقارىپ كەلەمىز. ءبىزدىڭ مۋزەي قازاق ۇلتتىق گەوگرافيالىق قوعامىمەن، «National Geographic Qazaqstan»  جۋرنالىمەن سەرىكتەس. ياعني، ۇلكەن- ۇلكەن سەرىكتەستەرىمىز بارشىلىق. قوردى ساقتاۋ جۇمىستارىنا كەلەتىن بولساق، قورىمىزعا بيىل 63 جادىگەر قابىلدانىپ، ونىڭ 34 ءى نەگىزگى قورعا ەنگىزىلدى. سونداي- اق، 15 ەتنوگرافيالىق جادىگەرىمىز قايتا قالپىنا كەلتىرىلدى. مۇرالاردى قالپىنا كەلتىرە الاتىن بىزدە ىسمەرلەرىمىز بەن شەبەرلەرىمىز بار» ، - دەيدى بايان شايگوزوۆا ق ر مادەنيەت جانە سپورت مينيسترلىگىندە وتكەن باسپا ءسوز ءماسليحاتىندا.

ونىڭ ايتۋىنشا، مۋزەي- قورىعىنىڭ ارحيتەكتۋرالىق توبى رەسپۋبليكالىق جانە جەرگىلىكتى ماڭىزى بار تاريحي كەشەندەردە، جوشى حان، الاشا حان، دومباۋىل، تالساي كەشەندەرى، دۋلىعالى مەشىتى، التىن شوقى، اۋليە تاۋ ەسكەرتكىشتەرىنە اننوتاتسيالىق ءمانى بار باننەرلەر ورناتقان.

«ەسكەرتكىشتى ءبىز قورعاپ، ساقتاۋ ءۇشىن ەڭ الدىمەن قورشاۋىمىز كەرەك. قورشاۋ بولاتىن بولسا، ولاردى مالدان دا، باسقادان دا ساقتاي الامىز. مۋزەي قورىعى جانىنان قۇرىلعان ارحيتەكتۋرا توبى ۇستاحانا اشقان بولاتىن. تەمىردەن ءتۇيىن تۇيەتىن ۇستالارىمىز قورشاۋ شارباقتارىن جاسايدى. كوپتەگەن ەسكەرتكىشتى كەلەشەككە قالدىرۋ ءۇشىن ءوزىمىزدىڭ قولتاڭبامىزدى قالدىرماساق، ەسكەرتكىشتەردى عاسىرلار بويى ساقتاپ قالا المايمىز» ، - دەيدى ول.

بايان شايگوزوۆا وسىنداي جۇمىستاردىڭ ارقاسىندا ۇلىتاۋ كەلەتىن تۋريستەردىڭ سانى جىل ساناپ ارتىپ كەلە جاتقانىن تىلگە تيەك ەتتى.

 «ەكسپوزيتسيا جانە ەكسكۋرسيا تۋرالى ايتار بولساق، بىلتىر  ۇلىتاۋعا ەكسكۋرسياعا 14 مىڭنان استام تۋريست كەلىپ كەتتى. ونىڭ 200 دەن استامى - شەتەلدىكتەر. تۋريستەردىڭ ءبارى ءبىزدىڭ وڭىرگە كەلگەننەن كەيىن تاريحي وڭىرلەرگە بارادى. قىسىمىز قاتال، كليماتىمىز سۋىق بولعاندىقتان، ماۋسىمدىق جۇمىستار بىزدە مامىر ايىنان باستالىپ، قىركۇيەكتە اياقتالادى. الايدا قىستا دا ەكسكۋرسياعا كەلەتىندەر بارشىلىق» ، - دەيدى ول.

سوڭعى جاڭالىقتار