سينوپتيكتەردىڭ 14-قاڭتار كۇنگى اۋا رايى بولجامى
رەسپۋبليكانىڭ كەي جەرلەرىندە كوكتايعاق، تۇمان، داۋىلدى جەل بولجانادى. بۇل تۋرالى «قازگيدرومەت» ر م ك- دان ءمالىم ەتتى، دەپ حابارلايدى قازاقپارات.
اتاپ ايتقاندا، تۇندە اقمولا وبلىسىنىڭ باسىم بولىگىندە، كۇندىز كەي جەرلەرىندە جەلدىڭ ەكپىنى 15-20 م/س كۇشەيەدى، كەي جەرلەردە جاياۋ بۇرقاسىن بولادى.
الماتى وبلىسىنىڭ كەي جەرلەرىن تۇمان باسادى. جالاڭاشكول اۋدانىندا 17-22 م/س جىلدامدىقتاعى جەلدىڭ كۇشى 25 م/س ارتادى.
قىزىلوردا وبلىسىندا كەي جەرلەردە تۇمان، كوكتايعاق بولجانادى، جەلدىڭ ەكپىنى 15-20 م/س جەتەدى.
سولتۇستىك قازاقستان وبلىسىندا بۇرقاسىن، تۇمان، كوكتايعاق كۇتىلەدى، جەل 15-20 م/س كۇشەيەدى.
قوستاناي وبلىسىنىڭ كەي جەرلەرىندە بۇرقاسىن، 15-20 م/س جىلدامدىقتا جەل بولجانادى.
جامبىل، تۇركىستان، قاراعاندى وبلىستارىنىڭ كەي جەرلەرىن تۇمان باسادى. جەل 15-20 م/س ارتادى.
شىعىس قازاقستان وبلىسىندا تۇندە جانە تاڭەرتەڭ تۇمان بولادى، كۇندىز جەل 15-20 م/س كۇشەيەدى.
ماڭعىستاۋ، اتىراۋ، باتىس قازاقستان، اقتوبە وبلىستارىنىڭ كەي جەرلەرىندە تۇمان كۇتىلەدى. اتىراۋ، باتىس قازاقستان وبلىستارىندا، سونداي-اق كوكتايعاق بولۋى ىقتيمال.
پاۆلودار وبلىسىندا كۇندىز جەلدىڭ ەكپىنى 15-20 م/س ارتۋى مۇمكىن.