سينوپتيكتەر 14- قاراشا كۇنى اۋا رايى قانداي بولاتىنىن ايتتى

استانا. قازاقپارات - اتموسفەرالىق فرونتتاردىڭ وتۋىنە بايلانىستى قازاقستاننىڭ باسىم بولىگىندە جاۋىن-شاشىن جاۋادى.

تەك وڭتۇستىك جانە وڭتۇستىك-شىعىستا كۇن اشىق بولۋى مۇمكىن. رەسپۋبليكانىڭ كەي جەرلەرىندە تۇمان ءتۇسىپ، كوكتايعاق كۇتىلەدى، دەپ حابارلايدى قازاقپارات قازگيدرومەتكە سىلتەمە جاساپ.

اتىراۋ، باتىس قازاقستان، اقتوبە، ماڭعىستاۋ وبلىستارىنىڭ كەي جەرلەرىندە تۇمان، كوكتايعاق بولىپ، جەلدىڭ ەكپىنى 15-20 م/س دەيىن كۇشەيەدى.

باتىس قازاقستان، اقتوبە وبلىستارىندا بۇرقاسىن بولادى.

الماتى وبلىسىنىڭ كەي جەرلەرىندە تۇندە جانە تاڭەرتەڭ تۇمان ءتۇسىپ، جالاڭاشكول ايماعىندا جەل جىلدامدىعى سەكۋندىنا 18-26 مەترگە دەيىن جەتەدى.

جامبىل، قىزىلوردا وبلىستارىنىڭ كەي جەرلەرىندە تاڭەرتەڭ جانە كۇندىز تۇمان، كوكتايعاق بايقالادى. جامبىل وبلىسىندا قارقىنى سەكۋندىنا 15-20 مەتر بولاتىن كۇشتى جەل سوعادى.

قوستاناي وبلىسىنىڭ كەي جەرلەرىندە تۇمان، بۇرقاسىن، كوكتايعاق بولۋى ىقتيمال. جەل ەكپىنى 15-20 م/س دەيىن كۇشەيەدى.

تۇركىستان، اقمولا، سولتۇستىك قازاقستان، پاۆلودار، قاراعاندى، شىعىس قازاقستان وبلىستارىنىڭ كەي جەرلەرىندە تۇمان كۇتىلەدى.