نۇرسۇلتان نازاربايەۆ پەن شي جينپيڭ بەس جىلدا 14 رەت كەزدەسكەن

بەيجىڭ. قازاقپارات - قىتايدىڭ اعىلشىن تىلىندەگى بەلدى باسىلىمدارىنىڭ ءبىرى Global Times  ق ح ر ءتوراعاسى شي جينپيڭ مەن قازاقستان پرەزيدەنتى نۇرسۇلتان نازاربايەۆتىڭ 5 جىلداعى كەزدەسۋلەرى تۋرالى ينفوگرافيكا جاريالادى،

 دەپ حابارلايدى «قازاقپارات» ح ا ا- نىڭ قىتايداعى مەنشىكتى ءتىلشىسى.

«2013 -جىلدان باستاپ ق ح ر ءتوراعاسى شي جينپيڭ قازاقستان پرەزيدەنتى نۇرسۇلتان نازاربايەۆپەن 14 رەت كەزدەسكەن. ول «جىبەك جولى ەكونوميكالىق بەلدەۋىن» قالىپتاستىرۋ باستاماسىن العاش رەت بەس جىل بۇرىنعى ساپارىندا قازاقستاندا ايتتى»، - دەپ جازادى باسىلىم.

ينفوگرافيكادا ەكى مەملەكەت باسشىلارىنىڭ كەزدەسكەن جەرى مەن داتاسى كورسەتىلگەن: 2013 -جىلعى 6 -ءساۋىر (بواو ازيا فورۋمى)، 2013 - جىلعى 7 - قىركۇيەك (شي جينپيڭنىڭ قازاقستانعا ساپارى)، 2014 -جىلعى 23 - ناۋرىز (يادرولىق قاۋىپسىزدىك جونىندەگى سامميت، گااگا)، 2014 -جىلعى 19 - مامىر (ن. نازاربايەۆتىڭ قىتايعا ساپارى)، 2014 - جىلعى 12 - قىركۇيەك (ش ى ۇ سامميتى، دۋشانبە)، 2015 - جىلعى 7 - مامىر (شي جينپيڭنىڭ قازاقستان رەسپۋبليكاسىنا ساپارى)، 2015 -جىلدىڭ شىلدەسى (ش ى ۇ  سامميتى، ۋفا)، 2015 -جىلعى 31 - تامىز (ن. نازاربايەۆتىڭ ق ح ر- عا ساپارى)، 2016 -جىلدىڭ ناۋرىزى (يادرولىق قاۋىپسىزدىك جونىندەگى سامميت، ۆاشينگتون)، 2016 -جىلعى 24 - ماۋسىم (ش ى ۇ سامميتىندەگى كەزدەسۋ، تاشكەنت)، 2016 -جىلعى 2 - قىركۇيەك (ن. نازاربايەۆتىڭ ق ح ر- عا ساپارى)، 2017 -جىلعى 14 - مامىر («ءبىر بەلدەۋ، ءبىر جول» جوعارى دەڭگەيلى فورۋمىنداعى كەزدەسۋ)، 2017 -جىلعى 8 - ماۋسىم (شي جينپيڭنىڭ قازاقستان رەسپۋبليكاسىنا ساپارى)، 2018 -جىلعى 7 - ماۋسىم (ن. نازاربايەۆتىڭ ق ح ر- عا ساپارى، چيڭداۋداعى ش ى ۇ سامميتى).

ەسكە سالا كەتەيىك، 2018 - جىلدىڭ قىركۇيەگىندە قىتايدىڭ «ءبىر بەلدەۋ، ءبىر جول» باستاماسىنا 5 جىل تولادى.