قازاقستان مەن شۆەيتساريا اراسىنداعى ساۋدا اينالىمى 14 پايىزعا ارتتى
جەڭىس قاسىمبەك 2017 - جىلى قازاقستان مەن شۆەيتساريا اراسىنداعى سىرتقى ساۋدا اينالىمى 3 ميلليارد ا ق ش دوللارىنان اساتىنىن اتاپ ءوتتى. بۇل 2016 -جىلعا قاراعاندا %14 جوعارى. سول كەزەڭدە قازاقستانعا شۆەيساريا ەكسپورتى دا 14 پايىزعا ءوستى.
«شۆەيتساريا ءبىز ءۇشىن قازاقستاننىڭ ەۋروپاداعى ستراتەگيالىق جانە ماڭىزدى ساۋدا- ەكونوميكالىق ارىپتەسى. ءبىزدىڭ بۇگىنگى كەزدەسۋىمىز ساۋدا- ەكونوميكالىق بايلانىستاردى ودان ءارى نىعايتۋعا، ءوزارا مۇددەلى سالالارداعى ءوزارا قارىم- قاتىناس سالالارىن كەڭەيتۋگە دەگەن ۇمتىلىسىمىزدىڭ تاعى ءبىر دالەلى »، - دەپ اتاپ ءوتتى قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى.
سوڭعى 12 جىلدا شۆەيتساريادان قازاقستانعا تىكەلەي ينۆەستيتسيالاردىڭ جالپى اعىنى 20 ميلليارد ا ق ش دوللارىنان استى. بۇگىنگى كۇنى قازاقستاندا ەنەرگەتيكا، كولىك، يننوۆاتسيا، مەديتسينا سياقتى سالالاردا شۆەيتساريا كاپيتالىنىڭ قاتىسۋىمەن 300-دەن استام بىرلەسكەن كاسىپورىن جۇمىس ىستەيدى.
يوحانن شنايدەر- اممانن ءوزىنىڭ كەلەسى ساپارى ەكىجاقتى ىنتىماقتاستىقتى نىعايتۋعا باعىتتالعانىن جانە شۆەيتساريادا يننوۆاتسيا مەن تسيفرلاندىرۋدىڭ دامۋى تۋرالى ايتتى.
ق ر ينۆەستيتسيالار جانە دامۋ ءمينيسترى جەڭىس قاسىمبەك ەكىجاقتى ىنتىماقتاستىقتى ودان ءارى تەرەڭدەتۋگە دايىن ەكەنىن ءبىلدىردى.
كەزدەسۋ سوڭىندا قىمبات مەتالدار مەن ولاردىڭ ونىمدەرىنە تالداۋ بەلگىلەرىن ءوزارا تانۋ تۋرالى كەلىسىم جاساۋ جونىندە بىرلەسكەن مالىمدەمەگە قول قويىلدى.
وسى كەلىسىمنىڭ جاسالۋى ەلدەر اراسىنداعى تاۋار ساۋداسىن ارتتىرۋعا كومەكتەسەدى، وندىرۋشىلەردىڭ نارىقتارعا ءوزارا كىرۋ مۇمكىندىگىن اشادى.
2016 -جىلى «باعالى مەتالدار جانە باعالى تاستار تۋرالى» قازاقستان رەسپۋبليكاسىنىڭ زاڭى قابىلدانعاندىعىن اتاپ ءوتۋ كەرەك. وسىعان بايلانىستى وسى سالاداعى ىنتىماقتاستىقتى كەڭەيتۋ وزەكتى ماسەلە بولىپ وتىر.
بىرلەسكەن مالىمدەمەگە قول قويىلعاننان كەيىن ىشكى ۇيلەستىرۋدىڭ قوسىمشا ءراسىمى جانە شۆەيتساريا كونفەدەراتسياسىنىڭ فەدەرالدىق كەڭەسى مەن قازاقستان رەسپۋبليكاسىنىڭ ۇكىمەتى اراسىنداعى باعالى مەتالدارعا جانە ولاردان جاسالعان بۇيىمدارعا قاتىستى بەلگىلەردى ءوزارا تانۋ تۋرالى ءتيىستى كەلىسىم راسىمدەلدى.
اۆتور: مارلان جيەمباي