+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

ۇشاق پەن اۋەجايداعى ءسىز بىلە بەرمەيتىن 14 قىزمەت

20 قازان 12:25
:ءبولىسۋ
ۇشاق پەن اۋەجايداعى ءسىز بىلە بەرمەيتىن 14 قىزمەت

نۇر-سۇلتان. قازاقپارات - ءبىز ۇشاق پەن اۋەجايداعى ءسىزدىڭ ويىڭىزعا دا كەلمەيتىن قانداي قىزمەتتەر بار ەكەنىن ءبىلۋدى ۇيعاردىق.

سالونعا وتىرعىزۋ

- جولاۋشى ونلاين- تىركەۋ ارقىلى ۇشاقتاعى وتىرعىزۋ سىزباسىنان بەلگىلى ءبىر ورىندى برونداۋىنا بولادى. ءبىراق سوڭعى كەزدە اۋەكومپانيالار ورىندى تاڭداۋدىڭ اقىلى تۇرىنە جۇگىنىپ ءجۇر. ياعني، ەگەر ورىنداردى ءوزىڭىز تاڭداعىڭىز كەلسە، وندا سىزگە بۇل ءۇشىن 5 تەن 15 دوللارعا دەيىن اقشا تولەۋدى ۇسىنادى. ازىرشە بۇل اۋەكومپانيالاردىڭ كوپشىلىگىنە ەنگىزىلمەگەن، الايدا مۇنىڭ كوبەيە تۇسەتىنىنە دايىن بولىڭىز

- جولاۋشى قوسىمشا اقى تولەي وتىرىپ، ۇزاق ۇشۋ كەزىندە اپاتتىق شىعۋ جاعىنان اياق قوياتىن جەرى كەڭ ورىندى الا الادى. ادەتتە، بۇل قولدانىلمايدى، ءبىراق كەيبىر اۋەكومپانيالار مۇنى تاجىريبەگە ەنگىزىپ جاتىر. كوپ جاعدايدا ءسىز بۇل ورىنداردى الدىن الا الا المايسىز، سەبەبى ولار تىركەۋ كەزىندە بولىنەدى: ءسىزدىڭ وتىرۋ تالوندارىڭىزدى راسىمدەپ جاتقان قىزمەتكەرلەر، ايەلى مەن بالالارىنسىز ساياحاتتايتىن، اپاتتىق جاعدايدا اۋەسەرىكتەرگە اپاتتىق قۇتقارۋ شىعۋ ەسىكتەرىن اشۋعا كومەكتەسەتىن ەرلەردى تاڭدايدى. سوندىقتان، ءتىپتى، اقشاعا بولسا دا بۇل جايلىلىقتى ساتىپ الا المايسىز.

تاعام

- جولاۋشى قوسىمشا تاعام سۇراي الادى. ەگەر اۋەسەرىكتەردە پايدالانىلماعان تاعام بولسا، وندا ولار ونىمەن بولىسەدى

- قوسىمشا ستاقان شىرىن، سۋ نەمەسە گازدى سۋسىننىڭ ءبۇتىن بانكىسىن سۇراي الۋ، المايتىندىعىڭىز اۋەكومپانياعا بايلانىستى. ەگەر ءسىز لۋكوستەردە ۇشساڭىز، وندا سىزدەن بۇل ءۇشىن اقى تولەۋدى تالاپ ەتەدى، كەيبىر اۋەكومپانيالاردا العاشقى ستاقان تەگىن، ال ەكىنشىسى اقىلى. ال كەيدە ۇشۋ كەزىندە شىرىنداردى اۋەكومپانيانىڭ ەسەبىنەن ىشۋگە بولادى

- ديەتالىق، كوشەرلى، ۆەگەتارياندىق جانە ت. ب. سياقتى ارنايى تاعامدارعا ۇشپاس بۇرىن الدىن الا تاپسىرىس بەرۋگە بولادى. ەگەر بۇلاي ەتپەسەڭىز، وندا ۇشاقتا ءسىز قالاعان تاعام بولماي قالۋى مۇمكىن. ال كەي اۋەكومپانيالاردا ىستىق تاماققا الدىن الا سۇرانىس بويىنشا تاپسىرىس بەرۋگە بولادى، كەرىسىنشە بولعان جاعدايدا، ۇشۋ كەزىندە سىزگە تەك بۋتەربرودتار نەمەسە ساندۆيچتەر عانا ۇسىنۋى مۇمكىن.

قوسىمشا قولايلىلىق

- ءسىز قىسقا ۇشۋ كەزىندە جاستىق، جامىلعى نەمەسە كورپە سۇراي الاسىز. ءبىراق، ەگەر بۇل تاسىمالداۋدىڭ نەگىزگى جيىنتىعىنا ەنبەسە، وندا اۋەكومپانيا باس تارتۋعا قۇقىلى. جامىلعىلار كوپ جاعدايدا بيزنەس- كلاسىنىڭ جولاۋشىلارىنا عانا ارنالعان، الايدا ەگەر ءسىز قىزمەتكەرلەرگە ۇناساڭىز، وندا سىزگە دە اكەلىپ بەرۋى مۇمكىن

- قوسىمشا ويىن تۇرلەرى، پلەەرلەر، فيلمدەر، جۋرنال، كىتاپ پەن گازەتتەر دە اۋەكومپانياعا بايلانىستى. ەگەر بۇل لۋكوستەر بولماسا، وندا مۇنداي ويىن- ساۋىق تۇرلەرى كوبىنەسە تەگىن، الايدا ەگەر بۇل بيۋدجەتتىك اۋەكومپانيا بولسا، وندا مۇنداي قىزمەتتەر بولمايدى نەمەسە ولارعا قوسىمشا اقى تولەۋ قاجەت بولادى

- الدىن الا سۇرانىس بويىنشا ۇشاقتاردا سابيلەرگە ارنالعان بەسىك قاراستىرىلعان. بەسىكتەن بولەك، ءار اۋەكومپانيادا ءبىر ۋاقىتتا ساياحاتتايتىن سابيلەردىڭ سانىنا ارنالعان شەكتەۋلەر بار. سوندىقتان، سابيمەن اۋە بيلەتىن ساتىپ العاندا اگەنتتىك اۋەكومپانياعا سۇرانىس جىبەرەدى جانە ەگەر رەيستە سابيلەر كوپ بولسا، وندا اۋەكومپانيا تاسىمالداۋدان باس تارتۋعا قۇقىلى

- عالامتور سوڭعى جىلدارى اۋەكومپانيالار قىزمەتىنىڭ ىشىندەگى جاڭا ترەندكە اينالىپ كەلەدى. ادەتتە، بۇل قىزمەت اقىلى

- جولاۋشى رەيس كەشىككەن جاعدايدا، ۇشپاي قالعاندا، اۋەجاي مەن ۇشاقتاعى جاعدايلارعا بايلانىستى، زيان كەلۋ /شىعىن/ جۇكتىڭ كەشىگۋى، مەديتسينالىق شىعىندار وتەمىنە كەپىلدىك بەرەتىن جانە قايعىلى جاعدايدان ساقتايتىن ساقتاندىرۋدى الا الادى. مۇنداي ساقتاندىرۋلار كەڭىنەن تارالۋدا، ال ساقتاندىرۋ كومپانيالارى بۇل تاۋەكەل تيپىنە كوبىرەك كوڭىل بولۋدە

- جانۋاردى ۇشاق سالونىندا الىپ ءجۇرۋ جانۋاردىڭ تۇرىنە، كەلبەتىنە، سالماعىنا، الىپ ءجۇرۋ سومكەسىنىڭ تۇرىنە بايلانىستى. ءبىراق، كەيبىر جانۋار تۇرلەرى ۇشۋ كەزىندە ءولىپ كەتۋ ىقتيمالدىعى جوعارى بولعاندىقتان تاسىمالداۋعا تىيىم سالىنعان بولۋى مۇمكىن. جانۋار تاسىمالداۋدى راسىمدەۋدىڭ جانۋاردىڭ بارلىق ەكپەلەرى، ۆەتەرەنارلىق سەرتيفيكاتتارى تۋرالى انىقتامالاردى الۋعا بايلانىستى كۇردەلى شارالارى بار.

اۋەجايداعى قوسىمشا قىزمەتتەر

- الماتى مەن استانا اۋەجايلارىندا، الماتىدا 17000 تەڭگەگە، استانادا 15000 تەڭگەگە ۇشۋعا دەيىن دەمالۋعا جانە بارلىق شارالاردى قوسىمشا جايلىلىقپەن ءارى كەزەكسىز وتۋگە بولاتىن VIP- تەرمينال بار

- جانىندا ەرەسەك ادامى جوق بالانى تاسىمالداۋ قىزمەتىنە تاپسىرىس بەرۋگە بولادى. اۋەكومپانيا ونى كۇتىپ الىپ، قاجەت جەرىنە الىپ بارادى

- ەگدە جاستاعى ادام قاجەتسىنگەن جاعدايدا سۇيرەتپە ارباعا تاپسىرىس بەرە الادى.

ماتەريالدى دايىنداۋعا كومەكتەسكەنى ءۇشىن chocotravel.com اۋە بيلەتتەرىن ساتۋدىڭ ونلاين- قىزمەتىنىڭ ديرەكتورى نيكولاي مازەنتسيەۆ مىرزاعا العىس بىلدىرەمىز.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات