+7 (701) 759 90 19 Лента
4 °С : استانا
15 °С : الماتى
USD 378.90 EUR 422.74
RUB 5.87 CNY 54.80
جاڭالىقتار

تۇركىستاندا قاجىمۇقان مۇڭايتپاسوۆتىڭ 149 جىلدىعىنا وراي تۋرنير وتەدى

15 مامىر 08:58 162
:ءبولىسۋ
تۇركىستاندا قاجىمۇقان مۇڭايتپاسوۆتىڭ 149 جىلدىعىنا وراي تۋرنير وتەدى

تۇركىستان. قازاقپارات - تۇركىستاندا قاجىمۇقان مۇڭايتپاسوۆتىڭ 149 جىلدىعىنا وراي تۋرنير وتەدى. كۇش اتاسىنىڭ ءداستۇرلى حالىقارالىق تۋرنيرى بيىل 17- مامىر كۇنى باستالىپ، 3 كۇنگە سوزىلادى دەپ جوسپارلانعان.

بۇل تۋرالى وڭىرلىك كوممۋنيكاتسيالار قىزمەتىندە ورداباسى اۋدانىنىڭ اكىمى قايرات جولدىباي ۇلى مەن وبلىستىق سپورت باسقارماسىنىڭ باسشىسى پولات قىرىقبايەۆ ءمالىم ەتتى، دەپ حابارلايدى قازاقپارات ءتىلشىسى.

قاجىمۇقان مۇڭايتپاسوۆتىڭ 149 جىلدىعىنا ارنالعان 55- تۋرنيرگە 5 مەملەكەتتەن 200 دەن استام سپورتشى قاتىسادى دەپ جوسپارلانۋدا. بيىلعى دودا ەڭ مىقتىنى انىقتاۋمەن قاتار، قازاق كۇرەسىنىڭ دامۋ ساتىسىنداعى تاعى ءبىر باسپالداققا كوتەرىلۋىنىڭ كورىنىسىنە اينالماق. ۇيىمداستىرۋشىلاردىڭ ايتۋىنشا، ءداستۇرلى تۋرنير قازاق حالقىنىڭ تاريحىنداعى تۇڭعىش كاسىپقوي بالۋان، وراسان كۇشتىڭ يەسى، كۇرەستىڭ بىرنەشە تۇرىنەن الەم چەمپيونى قاجىمۇقان مۇڭايتپاس ۇلىن ۇرپاق جادىندا جاڭعىرتىپ وتىرۋعا باعىتتالعان. ول - 54 مەملەكەتتە كۇرەسكە ءتۇسىپ، 48 مەدال ولجالاعان جاۋىرىنى جەرگە تيمەگەن باتىر.


تۇركىستاندا قاجىمۇقان مۇڭايتپاسوۆتىڭ 149 جىلدىعىنا وراي تۋرنير وتەدى

«ق ر تۇڭعىش پرەزيدەنتى نۇرسۇلتان نازاربايەۆ ماڭگىلىك ەل بولۋ مۇراتى بابالاردىڭ ەرلىگى، بۇگىنگى بۋىننىڭ ەرەن ىستەرى جانە جاس ۇرپاقتىڭ جاسامپازدىعى اراسىندا ساباقتاستىق بولسا عانا جۇزەگە اساتىنىن ۇنەمى ايتىپ كەلەدى. تاريحتا ەسىمى التىن ارىپتەرمەن جازىلعان قاجىمۇقان مۇڭايتپاسوۆتىڭ ەرلىگى، ەلدىڭ اتىن الەمگە تانىتۋعا سىڭىرگەن ەڭبەگى ۇشان تەڭىز. ءومىرىنىڭ سوڭعى كۇندەرىن ورداباسىدا وتكىزىپ، وسى قاسيەتتى مەكەندى ماڭگىلىك تۇراعى ەتكەن پالۋاننىڭ ءىزىن بۇگىندە الەمدىك، حالىقارالىق جارىستاردا توپ جارىپ جۇرگەن بالۋاندار: ۇلاس مومىنوۆ، نۇرلان اسىلوۆ، داۋلەت بايجىگىتوۆ، قۋات بايقوجايەۆ، ەلتاي سىدىقوۆ، وڭعار ۇندەمەسوۆ، وڭدىباي ۇندەمەسوۆ، سەيداحمەت قوناقبايەۆ سىندى جىگىتتەر باسىپ كەلەدى»، - دەدى ورداباسى اۋدانىنىڭ اكىمى.

بۇگىندە اتالعان اۋداننان شىققان جۇمانازار ەرسۇلتانوۆ، ءادىلجان ىستىبايەۆ، اعايىندى عۇمار، عۇسمان قىرعىزبايەۆتار، ابزال ارىستانبەك تالاي ءدۇبىرلى دودادان توپ جارىپ، ورداباسى ءوڭىرىنىڭ مەرەيىن تاسىتىپ ءجۇر. سونداي-اق، ورداباسى جەرىنەن ق ر ەڭبەگى سىڭگەن 6 جاتتىقتىرۋشى، 3 سپورت قايراتكەرى، كۇرەستەن 100 دەن اسا سپورت شەبەرى، بىرنەشە حالىقارالىق دارەجەدەگى سپورت شەبەرى، الەم بىرىنشىلىكتەرىنىڭ، ازيا چەمپيوناتتارىنىڭ جەڭىمپازدارى مەن جۇلدەگەرلەرى شىققان.


باستى سوزدەر: سپورت,
:ءبولىسۋ

اأتور:

novasa

ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
مۇراعات