قازاقستاندا 147 مىڭ وقۋشى ءۇشىن مەكتەپتەردە سوڭعى قوڭىراۋ سوعىلدى

استانا. قازاقپارات - قازاقستاننىڭ مەكتەپتەرىندە سالتاناتتى تۇردە «سوڭعى قوڭىراۋ» شاراسى ءوتىپ جاتىر.

بيىل 147 مىڭ وقۋشى مەكتەپ قابىرعاسىنان تۇلەپ ۇشتى. ونىڭ 7 مىڭى «التىن بەلگى» يەگەرلەرى، دەپ حابارلايدى قازاقپارات ءتىلشىسى.

استانا قالاسىنىڭ ءبىلىم باسقارماسىنان حابارلاعانداي، ەلوردادا 5,8 مىڭ وقۋشى مەكتەپ بىتىرۋدە. بيىل اتا- انالار قوعامداستىعىنىڭ وتىنىشتەرىنەن كەيىن ەلوردا مەكتەپتەرىندە شار ۇشىرۋعا تىيىم سالىندى.

بۇدان كەيىن 29 -مامىر مەن 9 -ماۋسىم ارالىعىندا وقۋشىلاردى ەمتيحان تۇرىندەگى قورىتىندى اتتەستاتتاۋ كۇتىپ تۇر. ولار مەكتەپتەرىندە بەس ءپان، اتاپ ايتقاندا ءتورت مىندەتتى - قازاق ءتىلى، ورىس ءتىلى، الگەبرا جانە تالداۋ باستامالارى، قازاقستان تاريحى جانە تاڭداۋ ءپانى (گۋمانيتارلىق نەمەسە جاراتىلىستانۋ باعىتىندا) بويىنشا وقۋشىلار بىلىمدەرىن دالەلدەۋى ءتيىس.

قازاقستان رەسپۋبليكاسىنىڭ ءبىلىم جانە عىلىم مينيسترلىگىنەن حابارلاعانداي، اتتەستاتتاردى تاپسىرۋ مەن تۇلەكتەر كەشى مەكتەپتەردە 2018 -جىلى 15 -ماۋسىمىندا وتكىزىلمەك. بۇعان دەيىن مينيستر ەرلان ساعاديەۆ تۇلەكتەر كەشىندە قاتىسۋ- قاتىسپاۋ اركىمنىڭ ءوز شەشىمى بولاتىنىن حابارلاعان بولاتىن.

ال قالالىق ءبىلىم باسقارماسى استانادا جالپىقالالىق تۇلەكتەر كەشى بولمايتىنىن حابارلادى. تۇلەكتەر كەشى وتكىزىلەتىن ورىندى اتا-انالاردىڭ وزدەرى تاڭدايدى. مەكتەپتەر تۇلەكتەر كەشىنىڭ ۋاقىتى مەن ورىنى تۋرالى اقپارات بەرەدى دە، سول كەستە بويىنشا باسقارما مۇعالىمدەر مەن ينسپەكتورلاردىڭ كەزەكشىلىگىن جۇزەگە اسىرادى. ماۋسىم ايىنىڭ سوڭىندا «ەلوردا ماقتانىشى» شاراسى ۇيىمداستىرىلىپ، قالا باسشىلىعى «التىن بەلگى» يەگەرلەرىن قۇتتىقتايدى.

ايتا كەتسەك، ۇلتتىق ءبىرىڭعاي تەستىلەۋ بيىل 20 -ماۋسىم مەن 1 -شىلدە ارالىعىندا 167 پۋنكتە وتەدى. تەستىلەۋدىڭ فورماتى وزگەرىسسىز قالعان. جيىنى 140 بالدىق سىندا ءوتۋ بالى - 50. ۇلتتىق ج و و- لارعا ءتۇسۋ ءۇشىن 65 بالعا يە بولۋ كەرەك. ۇلتتىق ءبىرىڭعاي تەستىلەۋدى 102 مىڭ 442 بالا تاپسىراتىن بولادى.