شىعىس قازاقستاندا سەل قاۋپىن توندىرەتىن 146 مۇزداق كول بار

None
None
وسكەمەن. قازاقپارات - شىعىس قازاقستان وبلىسىندا «قازسەلدەنقورعاۋ» فيليالىنىڭ ماماندارى مۇزداق كولدەرگە باقىلاۋ جۇرگىزۋدە، دەپ حابارلايدى قازاقپارات ءتىلشىسى.

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، «قازسەلدەنقورعاۋ» فيليالىنىڭ ماماندارى ريددەر قالاسىنداعى اق ءۇبى وزەنىنىڭ جوعارعى ساعاسىنداعى مۇزداق كولدەرگە باتيمەتريالىق زەرتتەۋ جۇرگىزدى.

«اتالعان ۋچاسكەدە وسىنداي 12 كول بار. ماماندار ونىڭ 2 ەۋىن زەرتتەپ شىقتى. ولار تەڭىز دەڭگەيىنەن 2 مىڭ مەتر بيىكتىكتە ورنالاسقان. سۋى كوگىلدىر جانە ءمولدىر بولعاندىقتان جارتاستىڭ ءتۇبى كوزگە انىق شالىنادى. بۇل كولدەر قار مەن جاڭبىر سۋىنىڭ ەرۋى ناتيجەسىندە پايدا بولعان»، - دەپ حابارلادى ۆەدومستۆو وكىلدەرى.

زەرتتەۋشىلەر تاۋ كولدەرىنىڭ اۋدانى مەن تەرەڭدىگىن بىرنەشە جەردەن ولشەگەن. بۇل مالىمەتتەر سۋ استىنداعى رەلەفتى باقىلاۋ جانە سۋ كولەمىن انىقتاۋ ءۇشىن قاجەت. 2 كولدىڭ تەرەڭدىگى - 33,6 جانە 9 مەتر. ولاردىڭ تولىمدىلىعى% 60 جەتپەيدى.

«قورىتا ايتقاندا، ماماندار قازىرگى ۋاقىتتا مۇزدىڭ جوق ەكەندىگىن، سەلگە قارسى الدىن الۋ شارالارىن جۇرگىزۋدىڭ قاجەتتىلىگى جوقتىعىن انىقتادى. جالپى ءوڭىر تاۋلارىندا بارلىعى 13 ەلدى مەكەنگە ءقاۋىپ توندىرەتىن 146 مۇزداق كول بار. بۇل كولدەردىڭ باسىم بولىگى زايسان، كاتونقاراعاي، التاي اۋداندارىندا جانە ريددەر قالاسىندا ورنالاسقان. بۇگىنگى تاڭدا ايماق بويىنشا جاعداي تۇراقتى. سەل قاۋپى بار ماۋسىم قىركۇيەك ايىنا دەيىن سوزىلادى»، - دەلىنگەن مالىمەتتە.


سوڭعى جاڭالىقتار