جاپپاي تارتىپسىزدىك كەزىندە الماتىلىق دارىگەرلەر كۇنىنە 145 وپەراتسيا جاسادى

None
None
الماتى. قازاقپارات - ورتالىق قالالىق كلينيكالىق اۋرۋحانانىڭ قابىلداۋ بولىمشەسىنىڭ مەڭگەرۋشىسى داۋلەت چۋكمانوۆ قالادا تارتىپسىزدىك ورناعان كەزدە قالاي جۇمىس ىستەگەندەرى تۋرالى ايتىپ بەردى، دەپ حابارلايدى قازاقپارات ءتىلشىسى.

«پاتسيەنتتەر 5- قاڭتاردا وتە كوپ بولدى. بۇل كۇنى ءتۇرلى جاراقاتتارمەن ەمدەۋ مەكەمەسىنە 191 ادام جۇگىندى. ولاردىڭ باسىم بولىگى باس جانە كەۋدە كلەتكاسىنىڭ اۋىر جاراقاتىن العان. ءبىز بارلىق پاتسيەنتكە بارىنشا كومەك كورسەتتىك. اۋرۋحانا قىزمەتكەرلەرى جۇكتەمەنىڭ كوپ ەكەنىن ءتۇسىنىپ ءبارى جۇمىسقا شىقتى»، - دەيدى ول.

دارىگەردىڭ سوزىنشە، پاتسيەنتتەردىڭ جارتىسى شۇعىل مەديتسينالىق كومەك كورسەتكەننەن كەيىن، امبۋلاتورلىق ەمدەلۋگە جىبەرىلدى. جاراقاتى اۋىرلار اۋرۋحاناعا جاتقىزىلدى.

«بۇل كۇندەرى 9 كەزەكشى بريگادا جۇىمس ىستەدى. قىزمەتكەرلەر تاۋلىك بويى اۋرۋحانادا بولدى. كۇنىنە 145 وپەراتسيا جاسالدى. جاسىراتىنى جوق ءبىزدىڭ بويىمىزدا ۇرەي بولدى، اتىستىڭ داۋسى، اگرەسسيالى پاتسيەنتتەر كەلىپ جاتتى. ولار جالعىز بولعان جوق. ولارمەن ىلەسكەن ادامدار بولدى»، - دەدى دارىگەر.

ورتوپەديا بولىمشەسىنىڭ مەڭگەرۋشىسى قانات تاۋەكەلوۆ بۇل كۇندەر وتە اۋىر بولعانىن تىلگە تيەك ەتتى.

«ءتۇرلى سىنىقتارمەن تۇسكەن پاتسيەنتتەر بولدى. سىرتتاي فيكساتسيا، سۇيەك سىنىعىنا يلليزاروۆ اپپاراتىن سالدىق. وتە اۋىر بولدى، كوپتەگەن پاتسيەنتتەر سۇيەك تىندەرىنىڭ ۇلكەن اقاۋلىعىمەن تيپكە جاتپايتىن زاقىمدارمەن ءتۇستى. وسى كۇنى دەمالىستا بولعان بارلىق قىزمەتكەرلەردى جۇمىسقا شاقىرىپ الدىق»، - دەپ ءبولىستى قانات تاۋەكەلوۆ.

بۇگنىگى كۇنى ەمحانا 24/7، ياعني تاۋلىك بويى جۇمىسىن جالعاستىرىپ، الماتى قالاسىنىڭ تۇرعىندارىنا شۇعىل جوسپارلى مەديتسينالىق كومەك كورسەتۋدە.

«كوپشىلىك تارتىپسىزدىكتەن زارداپ شەككەندەردىڭ اراسىندا ارۋحانانىڭ مەديتسينا قىزمەتكەرلەرى جوعىنا شۇكىر، اۋرۋحانا عيماراتى دا زارداپ شەكپەدى»، - دەيدى ول.

سوڭعى جاڭالىقتار