ەرتىس وڭىرىندە كوپبالالى وتباسىلار ءۇشىن 143 پاتەر ساتىپ الىنادى
بۇل تۋرالى پاۆلودار وبلىسى قۇرىلىس باسقارماسى باسشىسىنىڭ ورىنباسارى اسقار اجمۇرات مالىمدەدى.
- بولىنگەن قاراجاتقا 143 پاتەر ساتىپ الۋ جوسپارلانۋدا، - دەيدى اسقار اجمۇرات. - ءساۋىر ايىندا اقسۋ قالاسىندا استانا كوشەسى، 58 ءۇي مەكەنجايى بويىنشا قايتا جاڭارتىلعان عيماراتتان 57 پاتەر ساتىپ الىندى.
سونىمەن قاتار، اقسۋ قالاسىندا 28 ەكىپاتەرلى تۇرعىن ءۇي سالىنۋدا. ءار ءۇي 90 شارشى مەترلىك ءۇش بولمەلى ەكى پاتەردەن تۇرادى.
- ۇيلەر بارلىق ورتالىق كوممۋنيكاتسيالارمەن قامتىلادى، - دەپ اتاپ ءوتتى اسقار اجمۇرات. - ونىڭ ىشىندە تەلەفون جەلىسى دە تارتىلادى. تامىزدا تۇرعىن ءۇي قۇرىلىسىن اياقتاۋ جوسپارلانىپ وتىر. ناتيجەسىندە 56 كوپ بالالى وتباسى ءوز پاتەرىنە كىرە الادى.
سونداي-اق كوپبالالى وتباسىلاردى لەنين كەنتىندەگى قايتا جاڭارتىلاتىن بەس قاباتتى ۇيگە ورنالاستىرۋ جوسپارلانعان. ساراپتامادان وڭ ناتيجەمەن وتكەن جوبالىق- سمەتالىق قۇجاتتاماسى دايىن. 30 پاتەردى ساتىپ الۋعا 252 ميلليون تەڭگە قاراستىرىلعان.