+7 (701) 759 90 19 Лента
19 °С : Нур-Султан
21 °С : الماتى
USD 383.01 EUR 430.12
RUB 6.10 CNY 55.70
جاڭالىقتار

ۇلتتىق ءبىرىڭعاي تەست: ءبىر عانا تالاپكەر 140 بال جيناي الدى

25 ماۋسىم 11:11 933
:ءبولىسۋ
ۇلتتىق ءبىرىڭعاي تەست: ءبىر عانا تالاپكەر 140 بال جيناي الدى

نۇر-سۇلتان. قازاقپارات - ۇلتتىق ءبىرىڭعاي تەست تاپسىرعان تۇلەكتەردەن رەسپۋبليكالىق اپەللياتسيالىق كوميسسياعا 111 ءوتىنىش ءتۇستى.

بۇل تۋرالى بۇگىن ق ر ب ع م جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى ادىلەت تويبايەۆ ايتتى، دەپ حابارلايدى قازاقپارات ءتىلشىسى.

«20- ماۋسىمنان باستاپ ەلىمىزدە ۇ ب ت باستالدى. بۇگىنگى كۇنگە دەيىن بەس لەك ءوتتى. بۇگىن تەستىلەۋدىڭ التىنشى كۇنى ءوتىپ جاتىر. تەستىلەۋگە ءوتىنىش بەرگەن 74365 تۇلەكتىڭ 71227 ءسى قاتىستى. بۇل ءوتىنىش بەرگەندەردىڭ 96 پايىزىن قۇراپ وتىر. ونىڭ ىشىندە قازاق تىلىندە - 56684 تۇلەك، ورىس تىلىندە - 14455. اعىلشىن تىلىندە 87 تۇلەك تاپسىردى. 24- ماۋسىم كۇنى ەڭ جوعارى ناتيجە 140 بال تىركەلدى. ول تۇركىستان وبلىسى سارىاعاش اۋدانىنىڭ تۇلەگى - «التىن بەلگى» يەگەرى جۇباي قاسىمجان ءادىلجان ۇلى. كەشە عانا ۇ ب ت تاپسىرعان بولاتىن»، - دەدى ول ورتالىق كوممۋنيكاتسيالار قىزمەتىندەگى بريفينگتە.

ونىڭ اتاپ وتۋىنشە، بۇگىنگى كۇنگە دەيىن ەڭ كوپ تاڭدالىپ وتىرعان پاندەر تىزبەسىندە فيزيكا، ماتەماتيكا، بيولوگيا جانە حيميا بار.

«ۇ ب ت- عا ەرەكشە ءبىلىم بەرۋ قاجەتتىلىگى بار 21 بالا قاتىستى. ولارعا ارنايى جەكە اۋديتوريا بەرىلگەن، ارنايى ماماندار جۇمىس ىستەدى. ۇ ب ت وتكىزۋ تەحنولوگياسىن ساقتاۋ ماقساتىندا وڭىرلەرگە جىبەرىلگەن مينيسترلىك وكىلدەرى ونى قامتاسىز ەتتى. بارلىق اۋديتوريا ۇيالى تەلەفون سيگنالدارىن باساتىن قۇرالدارمەن، بەينەكامەرالارمەن جابدىقتالعان. تەستىلەۋ وتكىزۋ مەرزىمىندە ۇلتتىق تەستىلەۋ ورتالىعىنىڭ call-ورتالىعىنا 546 قوڭىراۋ ءتۇستى.

ولاردىڭ كوبىسى - تامىز ايىندا بولاتىن ۇ ب ت جانە جوعارى وقۋ ورىندارىنا ءتۇسۋ بويىنشا سۇراقتار. ۇ ب ت-2019 ناتيجەلەرى edu.mail.kz سايتىندا جانە تەلەگرام- بوتتا - edu.gov.kz bot، سونىمەن قاتار ۇلتتىق تەستىلەۋ ورتالىعىنىڭ سايتىندا - www.testcenter.kz جاريالاندى. بۇگىن ساعات 13:00 گە دەيىن جەرگىلىكتى جەرلەردە اپەللياتسيالىق كوميسسيا جۇمىس ىستەپ جاتىر. رەسپۋبليكالىق اپەللياتسيالىق كوميسسياعا جالپى 111 ءوتىنىش كەلىپ ءتۇستى، ونىڭ ىشىندە 63 ءى قاناعاتتاندىرىلدى، 81 ءى قايتارىلدى»، - دەدى ءا. تويبايەۆ.


:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات