الماتىلىق قىز ۇ ب ت-دان 140 باللمەن ەڭ جوعارى ناتيجە كورسەتتى
الماتى. قازاقپارات - رەسپۋبليكا بويىنشا ۇ ب ت تەستىلەۋىنەن ەڭ ۇزدىك ناتيجە - 140 ۇپايعا قول جەتكىزگەن قوجا احمەت ياسساۋي اتىنداعى №123 -مەكتەپ گيمنازيانىڭ تۇلەگى شيارا قۇدايبەرگەنوۆا التىن بەلگى مەن ۇزدىك اتتەستاتقا ۇمىتكەر بولماعان.
بۇل تۋرالى قازاقپارات تىلشىسىنە مەكتەپ ديرەكتورىنىڭ وقۋ ءىسى بويىنشا مەڭگەرۋشىسى ەلميرا سمايلوۆا ايتتى.
«شيارا قۇدايبەرگەنوۆا بۇل مەكتەپتە باستاۋىش سىنىپتان بەرى وقيدى. 10-سىنىپتا ءبىر ساباقتان 4 الىپ قالعاندىقتان التىن بەلگىگە ۇمىتكەر بولا المادى. سونداي-اق، ۇزدىك اتتەستاتقا دا قول جەتكىزگەن جوق. الايدا ناتيجەسىن وزدەرىڭىز كورىپ وتىرسىزدار، ۇ ب ت بويىنشا رەسپۋبليكاداعى ەڭ ۇزدىك ناتيجەنى كورسەتتى. ساباقتان بولەك، قوعامدىق جۇمىستارعا دا بەلسەنە ارالاسادى. ورىس تىلىنەن حالىقارالىق وليمپيادادا 3-ورىن العان. شيارا 5-11 -سىنىپتاردا ماتەماتيكا مەن فيزيكا پاندەرىن تەرەڭدەتىپ وقىعان. ماتەماتيكا پانىنە قابىلەتى جوعارى. قازاق- ورىس- اعىلشىن تىلدەرىن ەركىن مەڭگەرگەن»، - دەيدى ەلميرا سمايلوۆا.
ونىڭ ايتۋىنشا، شيارا ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنە ءتۇسۋدى ماقسات ەتىپ وتىر.
شيارا قۇدايبەرگەنوۆا - وتباسىنداعى ەكى بالانىڭ ۇلكەنى. ونىڭ 8-سىنىپتا وقيتىن ءىنىسىنىڭ دە فيزيكا- ماتەماتيكا عىلىمدارىنا بەيىنى جوعارى.
اناسى جانسايا قوشقاربايەۆانىڭ ايتۋىنشا، شيارا ۇ ب ت- عا 9 اي بويى ۇزدىكسىز دايىندالعان.
« قىزىم «اراي» مەكتەبىندە قوسىمشا دايىندالدى. مەن ونىڭ وقۋىنا بارىنشا جاعداي جاسادىم. قىسى- جازى، جاۋىندا دا، ىستىقتا دا وقۋىن توقتاتپادى. مەكتەبىنەن كەلگەن سوڭ تاماعىن ءىشىپ الىپ، ەكىنشى مەكتەبىنە دايىندىققا كەتەتىن. بۇل - بالانىڭ ءوزىنىڭ ەڭبەگى» - دەدى اناسى.
جانسايا قوشقاربايەۆانىڭ وتباسى تەستىلەۋدەن سوڭ مەشىتكە بارىپ، شۇكىر نامازىن وقىعان. سول ساتتە ولارعا «اراي» مەكتەبىنەن حابارلاسىپ، شيارانىڭ ماكسيمالدى 140 ۇپاي جيناعانىن ايتىپ، ءسۇيىنشى سۇراپتى.
«ءبىز العاشىندا سەنبەدىك. ويتكەنى، مەن قىزىمدى قاي جاعدايعا بولماسىن دايىندادىم. «130-دان اسىرساق تا جامان ەمەس، بۇيىرعانى بولادى» دەپ كوڭىلىن كوتەرۋمەن بولدىم. 140 ۇپايدى ەستىگەندە قىزىمنىڭ قۋانىشىندا شەك بولمادى»، - دەيدى اناسى جانسايا قوشقاربايەۆا.
ەسكە سالا كەتەيىك، ۇ ب ت-2018 ناتيجەلەرىن ەندىگى كەزەكتە Telegram-بوت @edu.gov.kz نەمەسە edu.mail.kz سايتى ارقىلى ۇيدەن شىقپاي- اق بىلۋگە بولادى: ول ءۇشىن تەستىلەۋگە قاتىساتىن ءاربىر تالاپكەرگە بەرىلەتىن ت ج ك (تەست تاپسىرۋشىنىڭ جەكە كودىن) ەنگىزۋ قاجەت.
سونداي-اق، تەستىلەۋ قورىتىندىلارىن ۇلتتىق تەستىلەۋ ورتالىعىنىڭ سايتىنان دا بىلۋگە بولادى. بۇل ورايدا تەستىلەۋ ناتيجەلەرىن ت ج ك ارقىلى ءاربىر تالاپكەر ءوزى عانا كورە الادى.
جوعارىدا كورسەتىلگەن رەسۋرستارعا ۇ ب ت ناتيجەلەرى اقپاراتتىڭ وڭدەلۋىنە قاراي جاريالانىپ وتىرادى. بيىل رەسپۋبليكا بويىنشا مەكتەپ بىتىرۋشىلەردىڭ %70، ياعني 102 مىڭى ۇ ب ت تاپسىرادى. مەكتەپ بىتىرگەن 147 مىڭ تۇلەكتىڭ باسىم بولىگى ۇ ب ت-نى قازاق تىلىندە تاپسىرادى. ۇ ب ت- دا جالپى 80 مىڭ سۇراق بولادى. 2018 -جىلعا ارنالعان ۇلتتىق ءبىرىڭعاي تەست سۇراقتارى 50 پايىزعا جاڭارتىلعان. قازاقستاندىق مەكتەپ بىتىرۋشىلەرگە ۇلتتىق ءبىرىڭعاي تەستىلەۋدەن وتۋگە ەكى رەت مۇمكىندىك بەرىلەدى. ەكەۋىندە دە قاجەتتى بالل جيناي الماعان بالالار ج و و- عا شارتتى تۇردە قابىلدانادى.