+7 (701) 759 90 19
USD 436.29 EUR 492.83
RUB 5.92 CNY 68.48
جاڭالىقتار

قازاقستاندىقتار ءوز ەركىمەن 1400 اتىس قارۋىن تاپسىردى

25 قازان 12:25
:ءبولىسۋ
قازاقستاندىقتار ءوز ەركىمەن 1400 اتىس قارۋىن تاپسىردى

نۇر-سۇلتان. قازاقپارات - ەلىمىزدە «قارۋ» اكسياسى اياقتالدى. بۇل تۋرالى ق ر ىشكى ىستەر مينيسترلىگىنىڭ رەسمي وكىلى نۇردىلدا وراز ءمالىم ەتتى، دەپ حابارلايدى قازاقپارات ءتىلشىسى.

«ىشكى ىستەر مينيسترلىگى بيىلعى جىلدىڭ 20-ساۋىرىنەن باستاپ وتكىزىلگەن جىل سايىنعى «قارۋ» اكسياسىن اياقتادى. اكسيا بارىسىندا ازاماتتار قارۋ-جاراقتى اقىلى تۇردە تاپسىرادى. وسى ماقساتقا رەسپۋبليكالىق بيۋدجەتتەن بيىل 95 ميلليون تەڭگەدەن استام قاراجات ءبولىندى. قارۋ- جاراقتى ءوز ەركىمەن تاپسىرعاندارعا ونىڭ تەحنيكالىق جاي-كۇيىنە بايلانىستى ءار قارۋ ءۇشىن ايلىق ەسەپتىك كورسەتكىشتىڭ وننان جۇزگە دەيىنگى سوماسىندا تولەم كوزدەلگەن»، - دەدى نۇردىلدا وراز مينيسترلىكتىڭ باسپا ءسوز الاڭىندا وتكەن ءداستۇرلى بريفينگ بارىسىندا.

رەسمي وكىلدىڭ اتاپ وتۋىنشە، اتىس قارۋىن، وق-دارىلەردى، جارىلعىش زاتتار مەن قۇرىلعىلاردى قابىلداۋ ءاربىر اۋماقتىق پوليتسيا ورگانىندا جۇرگىزىلدى. اكسيا اياسىندا پوليتسياعا مىڭنان استام تۇرعىن ءوز ەركىمەن 1400 اتىس قارۋىن تاپسىردى.

«ونىڭ ىشىندە 1 شولاق اۆتومات، 197 ۇزىن ۇڭعىلى قارۋ، 3 تاپانشا، 1 مىڭنان استام تەگىس ۇڭعىلى، 19 تراۆماتيكالىق قارۋ، ءبىر كەلىدەن جوعارى جارىلعىش زاتتار، سونداي-اق شولاق ۇڭعىلى قارۋعا ارنالعان 57 مىڭ وق-ءدارى قابىلداندى»، - دەدى ول.

اۆتور: مارلان جيەمباي



:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر

مۇراعات