پرەزيدەنتتىڭ ماڭىزدى ون باعىتى: اقتوبەدە 1400 كاسىپورىن جالاقىنى ورتا ەسەپپەن 15 پايىزعا وسىرەدى

None
None
 اقتوبە. قازاقپارات - پرەزيدەنت قاسىم - جومارت توقايەۆتىڭ ۇلىقتاۋ راسىمىندە وڭىرلەردە حالىق تابىسىن ارتتىرۋ تۋرالى مىندەت جۇكتەگەن بولاتىن.

وسىعان وراي اقتوبە وبلىسىندا حالىق تابىسى جىل سايىن 9-12 پايىزعا ارتادى. 2025 -جىلعا قاراي جالاقى رەسپۋبليكالىق ورتاشا دەيگەيگە جەتەدى، دەپ حابارلايدى قازاقپارات ءتىلشىسى.

«اقتوبە وبلىسىنىڭ اكىمدىگى حالىق تابىسىن ارتتىرۋ باعىتى بويىنشا كەشەندى جوسپار ازىرلەدى. 2025 -جىلعا قاراي وبلىس تۇرعىندارىنىڭ ورتاشا تابىسى رەسپۋبليكالىق ورتاشا جالاقىعا تەڭەسۋى ءتيىس. ول ءۇشىن جاڭا ءوندىرىس پەن جۇمىس ورىندارى اشىلادى. 2019 -جىلى 25 وندىرىستىك ينۆەستيتسيالىق جوبا ىسكە اسىرىلادى. ال اۋىل شارۋاشىلىعى سالاسىندا 200 جوبا قولعا الىنادى. جىل سايىن شاعىن جانە ورتا بيزنەستى دامىتىپ، 2025 -جىلعا قاراي بۇل سالا وبلىس ەكونوميكاسىنىڭ 30 پايىز قۇراۋى ءتيىس. ول ءۇشىن بيىل بيزنەسكە 40 ميلليارد تەڭگە جۇمسالادى» ، - دەپ حابارلادى وبلىس اكىمىنىڭ باسپا ءسوز قىزمەتى.

 سونىمەن قاتار حالىق تابىسىن ارتتىرۋ باعىتىن ىسكە اسىرۋ ءۇشىن 570 ميلليارد تەڭگە كولەمىندە ينۆەستيتسيا تارتۋ كوزدەلدى. ءارى ءىرى ءوندىرىس ورىندارىنداعى جۇمىسشىلاردىڭ ەڭبەكاقىسىن ءوسىرۋ جايى قاتاڭ باقىلاۋدا بولادى.

 «بيىل 1400 كاسىپورىن جالاقىنى ورتا ەسەپپەن 15 پايىزعا وسىرەدى. بۇل 32 مىڭنان استام اقتوبەلىكتىڭ ەڭبەكاقىسى كوتەرىلەدى دەگەن ءسوز. وڭىردە جۇمىس ىستەپ جۇرگەن ادامداردىڭ 20 پايىزى ءوندىرىس سالاسىندا ەڭبەك ەتەدى. ياعني، 84 مىڭ ادام. ولاردىڭ ورتاشا جالاقىسى 184,8 مىڭ تەڭگەنى قۇراپ وتىر. مۇناي ءوندىرۋ ءۇشىن جاڭا گەولوگيالىق بارلاۋ جۇمىستارىن جۇرگىزۋ، قارا التىندى وندىرۋدە جاڭا تەحنولوگيانى پايدالانۋ بۇل سالاعا جاڭا سەرپىن بەرەدى. وڭىردە اۋىل شارۋاشىلىعى سالاسىنىڭ الەۋەتى جوعارى. الايدا اۋىل شارۋاشىلىعى سالاسىنىڭ ءوڭىر ەكونوميكاسىنداعى ۇلەسى بار بولعانى 5 پايىزدى قۇراپ وتىر. ءارى وسى سالادا ەڭبەك ەتەتىن ادامدار ورتا ەسەپپەن 83 مىڭ تەڭگە جالاقى الادى. بۇل وبلىستاعى ورتاشا جالاقىدان 40 پايىزعا تومەن» ، - دەپ حابارلادى وبلىس اكىمىنىڭ باسپا ءسوز قىزمەتى.

ءوڭىر اۋىل شارۋاشىلىعى سالاسىن دامىتۋ ءۇشىن مال باسىن ارتتىرىپ، سۋارمالى جەر كولەمىن ءوسىرۋدى كوزدەپ وتىر. سونىمەن قاتار قۇس ەتىن ءوندىرۋ، ءداستۇرلى ەمەس شارۋاشىلىقتى دامىتۋ ماڭىزدى. اقتوبەنىڭ كولىك- لوگيستيكالىق مۇمكىندىگىن پايدالانىپ ىشكى نارىقتى قامتىپ، ءونىمدى ەكسپورتقا شىعارۋعا بولادى. ءقازىر وبلىستاعى 430 اۋىل شارۋاشىلىعى قۇرىلىمىنىڭ 220 مىڭ گەكتار جايىلىمى بار. وندا مال شارۋاشىلىعىن دامىتۋعا بولادى. ەسكە سالا كەتەيىك، 12 - ماۋسىمدا وتكەن ۇلىقتاۋ ءراسىمى بارىسىندا قاسىم- جومارت توقايەۆ ون ماڭىزدى باعىتىن جاريالاعان بولاتىن.

سوڭعى جاڭالىقتار