14 مىڭ تەڭگە سالىپ، 114 مىڭ پايدا تابۋ: پروكۋراتۋرا استانالىقتاردى اباي بولۋعا شاقىردى
سوڭعى كەزدەرى الەۋمەتتىك جەلى مەن مەسسەندجەرلەردە «قازان» نەمەسە «قارا كاسسا» ويىنىنا شاقىراتىن حابارلامالار تاراپ جاتىر، دەپ حابارلايدى قازاقپارات ۆەدومستۆونىڭ باسپا ءسوز قىزمەتىنە سىلتەمە جاساپ.
س م س- حابارلامانىڭ مازمۇنى بويىنشا، ويىنعا قوسىلۋ ءۇشىن بەلگىلى ءبىر سومانى ەنگىزىپ، سوڭىنان ادام تارتۋ كەرەك.
ياعني، جاڭا ويىنشىنى قوسقان سايىن اقشا ءتۇسىپ وتىرادى. قاتىسۋشى اقشا سالادى، سودان كەيىن تاعى جاڭا ادامداردى تارتادى. وسىلايشا پيراميدا كەڭەيە بەرەدى.
ويىندى ۇيىمداستىرۋشىلاردا «قارجىلىق پيراميدا»، ياعني الاياقتىق تاسىلمەن تابىس تابۋ بەلگىلەرى بار.
وسىعان بايلانىستى نۇر-سۇلتان قالاسى پروكۋراتۋراسى ق ر ق ك 217-بابى (قارجىلىق (ينۆەستيتسيالىق) پيراميدانى قۇرۋ جانە وعان باسشىلىق ەتۋ) بويىنشا زاڭسىز تابىس تاپپاق بولعان ويىندى ۇيىمداستىرۋشىلاردى قىلمىستىق جاۋاپكەرشىلىككە تارتادى.
پروكۋراتۋرا نۇر-سۇلتان تۇرعىندارىن اباي بولۋعا شاقىرادى.