ەلدىڭ 13 وڭىرىندە اۋا رايىنا بايلانىستى ەسكەرتۋ جاريالاندى

None
استانا. قازاقپارات - سينوپتيكتەر رەسپۋبليكانىڭ 10 وڭىرىندە كۇن رايىنىڭ بۇزىلۋىنا بايلانىستى ەسكەرتۋ جاريالادى، دەپ حابارلايدى قازاقپارات «قازگيدرومەت» ر م ق- عا سىلتەمە جاساپ.

«قازگيدرومەت» ر م ق اقپاراتى بويىنشا، شىمكەنتتە 2- ماۋسىم كۇندىز شىعىستان 15-20 م/س جەل سوعادى، ءورت تۇتانۋ قاۋپى جوعارى.

اباي وبلىسىنىڭ سولتۇستىگىندە ءورت قاۋپى ساقتالادى.

اقمولا وبلىسىندا 2-3- ماۋسىمدا 35-37 گرادۋسقا دەيىن ىستىق بولادى. ءورت تۇتانۋ قاۋپى جوعارى.

2- ماۋسىمدا اقتوبە وبلىسىندا وڭتۇستىك-شىعىستان، وڭتۇستىكتەن جەل سوعادى، كۇندىز وبلىستىڭ باتىسىندا، وڭتۇستىگىندە، ورتالىعىندا ەكپىنى 15-20 م/س جەتۋى مۇمكىن. كۇندىز وبلىستىڭ باسىم بولىگىندە 35-38 گرادۋس قاتتى ىستىق ساقتالادى. وبلىستىڭ باسىم بولىگىندە جوعارى ءورت قاۋىپى، وبلىستىڭ وڭتۇستىك-باتىسىندا توتەنشە ءورت قاۋىپى ساقتالادى.

2- ماۋسىمدا اتىراۋ وبلىسىنىڭ باتىسىندا، سولتۇستىگىندە، وڭتۇستىگىندە نايزاعاي كۇتىلەدى. كۇندىز وبلىستىڭ سولتۇستىگىندە، شىعىسىندا، وڭتۇستىگىندە شاڭدى داۋىل سوعادى. وڭتۇستىك- باتىستان جەل سوعادى، كۇندىز وبلىستىڭ سولتۇستىگىندە، شىعىسىندا، وڭتۇستىگىندە ەكپىنى 15-20 م/س جەتەدى. كۇندىز وبلىستىڭ سولتۇستىگىندە، شىعىسىندا 36 گرادۋس قاتتى ىستىق بولادى. وبلىستىڭ شىعىسىندا توتەنشە ءورت قاۋپى ساقتالادى.

باتىس قازاقستان وبلىسىنىڭ باتىس بولىگىندە، سولتۇستىگىندە نايزاعاي وينايدى. جەل سولتۇستىكتەن، سولتۇستىك-باتىستان سوعادى، كۇندىز وبلىستىڭ وڭتۇستىگىندە، شىعىسىندا ەكپىنى 15-20 م/س بولادى.

2- ماۋسىمدا قاراعاندى وبلىسىنىڭ وڭتۇستىگىندە شىعىستان، سولتۇستىك-شىعىستان جەل سوعادى، كۇندىز ەكپىنى 15-20 م/س بولۋى مۇمكىن. كۇندىز وبلىستىڭ وڭتۇستىگىندە، باتىسىندا 35 گرادۋس قاتتى ىستىق بولادى. وبلىستىڭ وڭتۇستىك-شىعىسىندا توتەنشە ءورت قاۋپى ساقتالادى.

2- ماۋسىمدا قوستاناي وبلىسىنىڭ باتىسىندا، سولتۇستىگىندە نايزاعاي كۇتىلەدى. وڭتۇستىك-شىعىستان جەل سوعادى، كۇندىز وبلىستىڭ باتىسىندا، سولتۇستىگىندە ەكپىنى 15-20 م/س. وبلىستىڭ باسىم بولىگىندە 39 گرادۋسقا دەيىن قاتتى ىستىق كۇتىلەدى.

قىزىلوردا وبلىسىندا كۇندىز وبلىس ورتالىعى مەن شىعىسىندا 15-20 م/س، شاڭدى داۋىلمەن ەكپىنى 23 م/س جەل سوعادى. ءورت تۇتانۋ قاۋپى جوعارى.

ماڭعىستاۋ وبلىسىنىڭ وڭتۇستىك-شىعىسىندا، ورتالىعىندا نايزاعاي جارقىلدايدى. سولتۇستىك-باتىستان جەل سوعادى، كۇندىز وبلىستىڭ سولتۇستىك-شىعىسىندا 15-20 م/س بولادى.

پاۆلودار وبلىسىنىڭ باسىم بولىگىندە توتەنشە ءورت قاۋىپى ساقتالادى.

2-3- ماۋسىمدا تۇركىستان وبلىسىنىڭ سولتۇستىگىندە شاڭدى داۋىل تۇرۋى مۇمكىن. وبلىستىڭ سولتۇستىك، باتىس، تاۋلى جانە تاۋ باۋرايىنداعى ايماقتارىندا شىعىستان 15-20 م/س جەل سوعادى، 2- ماۋسىمدا ەكپىنى 23 م/س بولادى. وبلىستىڭ كوپ بولىگىندە توتەنشە ءورت قاۋپى ساقتالادى.

2- ماۋسىمدا ۇلىتاۋ وبلىسىنىڭ كوپ بولىگىندە 35-37 گرادۋس اپتاپ ىستىق بولادى. وبلىس ورتالىعىندا توتەنشە ءورت تۇتانۋ قاۋپى ساقتالادى.


سوڭعى جاڭالىقتار