مەكتەپتەگى اتىستان قازا تاپقاندار سانى 13 ادامعا جەتتى
ولاردىڭ اراسىندا 7 بالا بار. 21 ادام جاراقات الدى، ونىڭ 14 ءى - بالالار.
بۇل تۋرالى رەسەي تەرگەۋ كوميتەتىنىڭ باسپا ءسوز قىزمەتى ءمالىم ەتتى، دەپ حابارلايدى قازاقپارات تاسس اگەنتتىگىنە سىلتەمە جاساپ.
«الدىن الا مالىمەتتەر بويىنشا، قۇربان بولعاندار سانى 13 ادامعا جەتتى. ولاردىڭ 6 ى- ەرەسەك ادام بولسا، 7 ءى - بالا. تاعى 14 بالا مەن جەتى ەرەسەك ادام جاراقات الدى»، - دەپ ناقتىلادى تەرگەۋ كوميتەتى.
بۇعان دەيىن اتالعان قايعىلى وقيعادان 9 ادامنىڭ قازا تاپقانى حابارلانعان بولاتىن.
رەسەي ءى ءى م باسپا ءسوز قىزمەتى ءمالىم ەتكەندەي، اتىس ۇيىمداستىرعان ەر ادامنىڭ ءمايىتى تابىلدى، ول ءوز-وزىنە قول جۇمساعان.
«پوليتسيا وق اتقان ەر ادامنىڭ ءمايىتىن تاپتى. قولدا بار مالىمەتتەر بويىنشا، ول ءوز-وزىنە قول جۇمساعان»، - دەدى ۆەدومستۆونىڭ باسپا ءسوز قىزمەتى. تەرگەۋ كوميتەتى بۇل اقپاراتتى راستادى.
رەسەيدىڭ ۇدمۇرتيا رەسپۋبليكاسىنداعى يجيەۆسك مەكتەبىندە بولعان اتىستان كەيىن 26-29- قىركۇيەك ارالىعى ازا تۇتۋ كۇنى بولىپ جاريالاندى.