USD 434.48 EUR 492.61
RUB 5.68 CNY 68.44
جاڭالىقتار

ءۇندىستان قارۋلى كۇشتەرىنىڭ تىكۇشاعى اپاتى سالدارىنان قازا تاپقاندار سانى 13 كە جەتتى

9 جەلتوقسان 07:06
:ءبولىسۋ
ءۇندىستان قارۋلى كۇشتەرىنىڭ تىكۇشاعى اپاتى سالدارىنان قازا تاپقاندار سانى 13 كە جەتتى

نيۋ- دەلي. قازاقپارات - ءۇندىستان قارۋلى كۇشتەرى قورعانىس شتابىنىڭ باستىعى گەنەرال بيپين راۆات مىنگەن ءۇندىستان اسكەري- اۋە كۇشتەرىنىڭ اسكەري تىكۇشاعى اپاتىنان قازا تاپقاندار سانى 13 كە جەتتى.

بۇل تۋرالى قازاقپارات NDTV تەلەارناسىنا سىلتەمە جاساپ حابارلايدى.

بۇعان دەيىن تەلەارنا بەس ادامنىڭ وپات بولعانىن حابارلاعان بولاتىن. شتاپ باسشىسىنىڭ جاعدايى تۋرالى رەسمي تۇردە حابارلانعان جوق. سارسەنبىدە ءۇندىستان اسكەري- اۋە كۇشتەرىنىڭ باسپا ءسوز قىزمەتى Twitter پاراقشاسىندا حابارلاعانداي، بورتىندا گەنەرال راۆات مىنگەن اسكەري- اۋە كۇشتەرىنىڭ م ي-17 ۆ-5 تىكۇشاعى تاميلناد شتاتىنداعى كۋنۋرا قالاسىنا جاقىن جەردە اپاتقا ۇشىرادى. وقيعانىڭ سەبەبىن انىقتاۋ ءۇشىن تەرگەۋ باستالدى.

راۆات بورتىندا ونىڭ ايەلى مەن جوعارى شەندى اسكەري قىزمەتكەرلەرى بولعان. قورعانىس شتابى باستىعىنىڭ مىندەتى - ءۇندىستان قارۋلى كۇشتەرىنىڭ بارلىق ءۇش تارماعىنىڭ: قۇرلىقتاعى كۇشتەردىڭ، اۋە كۇشتەرىنىڭ جانە تەڭىز كۇشتەرىنىڭ ارەكەتىن ۇيلەستىرۋ. ول پرەمەر- مينيسترمەن قاۋىپسىزدىك جانە قورعانىستىق ساتىپ الۋ ماسەلەلەرى بويىنشا تىكەلەي بايلانىستا بولۋى جانە وعان ۇزاق مەرزىمدى قورعانىستى جوسپارلاۋ جانە قارۋلى كۇشتەردى باسقارۋ ماسەلەلەرى بويىنشا كەڭەس بەرۋى كەرەك. بۇل رەتتە قورعانىس شتابىنىڭ باستىعىنا قۇرلىق اسكەرلەرىنىڭ، تەڭىز جانە اۋە كۇشتەرىنىڭ شتاب باستىقتارى باعىنادى.


#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات