قازاقستاننىڭ قىتايمەن ساۋدا اينالىمى ءبىر جىلدا 13 پايىز ءوستى

None
None
نۇر-سۇلتان. قازاقپارات - قازاقستاننىڭ قىتايمەن ساۋدا اينالىمى ءبىر جىلدا بىردەن 13 پايىز ارتتى.

الايدا ەكسپورتتىق جەتكىزىلىمدەر وتكەن جىلعى كورسەتكىشتەرگە ءالى جەتە قويعان جوق. شەكاراداعى احۋال اقىرىنداپ قالپىنا كەلۋدە، دەپ حابارلايدى قازاقپارات finprom.kz سايتىنا سىلتەمە جاساپ.

وسى جىلدىڭ ءۇش توقسانىنىڭ قورىتىندىسى بويىنشا قازاقستاننىڭ قىتايمەن تاۋار اينالىمى 13,5 ميلليارد ا ق ش دوللارىن قۇرادى. ال ا ق ش- پەن ساۋدا اينالىمى - ءبىر جىل بۇرىنعىعا قاراعاندا 12,5 پايىز ارتقان.

ونىڭ ىشىندە ەكسپورت 1,3 پايىز، 7,3 ميلليارد ا ق ش دوللارىنا دەيىن ءوسىپ، يمپورت، كەرىسىنشە، 34,7 پايىز، 6,2 ميلليارد ا ق ش دوللارىنا ازايعان.

قىتاي قازاقستان تاۋار اينالىمىنىڭ 18,5 پايىز قۇراپ وتىر، ەكسپورت قۇرىلىمىندا - 16,8 پايىز، يمپورت قۇرىلىمىندا - 21 پايىز. جىل باسىنان بەرى قازاقستان قىتايعا 163,2 مىڭ توننا بيداي، 90,4 مىڭ توننا ارپا، 4 ميلليون توننا تەمىر كەنىن، 44,3 مىڭ توننا مارگانەتس كەنىن، 37,1 ميلليون توننا مىرىش كەنىن، 85,1 مىڭ توننا كومىر، 2,5 ميلليون توننا شيكى مۇناي، 5,3 ميلليارد تەكشە مەتر تابيعي گاز، 3,7 مىڭ توننا ءجۇن، 529,8 مىڭ توننا فەرروقورىتپا، 28,1 مىڭ توننا جانۋار نەمەسە وسىمدىك تەكتەس مايلاردى، 8,7 مىڭ توننا توقىما بۇيىمدارىن جانە ت. ب. جىبەرگەن.

سونىمەن قاتار، قازاقستان قىتايدان 531 توننا كونديتەرلىك ءونىم، 1,3 مىڭ توننا ءدارى- دارمەك، 9,5 مىڭ توننا گيگيەنالىق جانە كوسمەتيكالىق قۇرال، 1,7 ميلليون شينا مەن دوڭعالاق تىسىن، 10,6 مىڭ توننا قاعاز، كارتون جانە سەلليۋلوزا ماقتاسىن، 77,5 مىڭ شارشى مەتر لينولەۋم، 46,5 مىڭ توننا تريكوتاج كيىمىن، 2,5 مىڭ توننا رادياتور، 1,9 مىڭ توننا ىشتەن جانۋ قوزعالتقىشىن، 9,7 مىڭ توننا اۋا نەمەسە ۆاكۋۋمدىق سورعىلار، 9,6 مىڭ توننا توڭازىتقىش پەن مۇزداتقىش، 1,7 مىڭ توننا تەلەفون اپپاراتىن، 303,6 مىڭ مونيتور مەن پروەكتور جانە ت. ب. اكەلگەن.

قازاقستان جۇكتەرىن قابىلداۋ جانە جونەلتۋ بويىنشا قىتاي ەنگىزگەن شەكتەۋلەرگە بايلانىستى جاعداي بىرتىندەپ شەشىلۋدە.


اۆتور: اقبوپە ءابدراسۋل

سوڭعى جاڭالىقتار