دەنساۋلىققا پايدالى 13 شاي

نۇر-سۇلتان. قازاقپارات - شاي ءىشۋ - قىستا جىلىنۋدىڭ بىردەن ءبىر امالى. ۇيرەنشىكتى قارا، جاسىل شايلاردان جالىقساڭىز، جوكە، جالبىز، يتمۇرىن، راۋشان، باقباق جانە باسقا دا وسىمدىكتەردەن ازىرلەنگەن شاي ءىشىپ كورىڭىز.

سونىمەن، پايدالى 13 شاي:

تاسءشوپ (чабрец )

بۇل وسىمدىكتىڭ شايى تۇماۋ، اسقازان، بۇيرەك اۋرۋلارى كەزىندە پايدالى. ول نەسەپ ايداعىش قۇرال بولىپ سانالادى، قان ازدىعى، ۇيقىسىزدىق، ريەۆماتيزم كەزىندە مىقتى داۋا.

تۇيمەداعى شايى

تۇيمەداعى جۇرەكپەن قيىندىقتارى بار جاندارعا تاپتىرماس ءدارى. سونداي- اق تۇماۋ، جوتەل كەزىندە جاقسى كومەكتەسەدى.

ءيتمۇرىن

يتمۇرىن شايى انتيوكسيدانتتار، فلاۆونويدتەر، دارۋمەندەر (س، ك)، مينەرالدارعا باي. ديارەيا اۋرۋى كەزىندە ىشۋگە كەڭەس بەرەمىز.

بەدە (клевер )

بەدە شايىنا بال قوسساڭىز، تۇماۋدى كەتىرەتىن ءدارى بولادى. جالپى بيدە شايى باۋىر تازارتۋعا، ايەل اۋرۋلارىنا جاقسى داۋا. قانت ديابەتى اۋرۋىنا شالدىققاندارعا كۇندەلىكتى ىشۋگە كەڭەس بەرەدى.

راۋشان

راۋشان شايى كوڭىلدى كوتەرەدى، ۆيرۋستارعا قارسى اسەرى زور، سول سەبەپتى جالپى يممۋنيتەتتى جوعارىلاتادى. ايتا كەتسەك، بۇل شايدى دەمدەگەننەن كەيىن بىردەن ءىشۋ كەرەك، سۋىعان راۋشان شايىنىڭ ەمدىك قاسيەتتەرى بولمايدى.

جالبىز

جالبىز شايى جۇيكەنى تىنىشتاندىرىپ، اسقورىتۋ جۇيەسىنىڭ قيىندىقتارىنا توتەپ بەرە الادى. ۇيقىنى رەتتەپ، اۋرۋدى باسادى.

فەنحەل

اسقورىتۋدى رەتتەيتىن فەنحەل شايى ءىشتىڭ قابىنۋىن باسادى. بۇل ماقساتتا وسى شايدى ءتىپتى سابيلەرگە بەرەدى. سونداي- اق جوتەل كەزىندە كومەكتەسەدى.

بۇلدىرگەن جاپىراقتارى

بۇلدىرگەن جاپىراقتارىنان دەمدەلگەن شاي قان تازارتىپ، ونىڭ ساپاسىن جوعارىلاتادى. جالپى اعزانى بەرىك قىلىپ، جۇيكەنى تىنىشتاندىرادى. حوش ءيىستى شايعا قۇرعاق بۇلدىرگەن جيدەكتەرىن دە قوسۋعا بولادى.

مىڭجاپىراق (тысячелистник )

گاستيرت كەزىندە مىڭجاپىراق شايى - تاپتىرماس داۋا.

باقباق

بۇل شاي باۋىردى تازارتىپ، ەمدەيدى. ىشىمدىك، تەمەكى، دارىلەردىڭ اسەرىنەن ارىلتىپ، قالپىنا كەلتىرۋگە كومەكتەسەدى.

جوكە (ليپا)

جۇيكەڭىزدى تىنىشتاندىراتىن، ۋايىم- قايعىدان ارىلتاتىن شاي. ول قان قىسىمىن تومەندەتىپ، باس اۋرۋلارىنان ايىقتىرادى. تۇماۋدان پروفيلاكتيكا رەتىندە ىشسە بولادى. الايدا بۇل شاي جۇرەككە اسەر ەتە الادى، سوندىقتان ونى كۇندەلىكتى ىشپەگەن ءجون.

لاۆاندا

بۇل شايدىڭ باستى قاسيەتى - جۇيكە جۇيەسىن تىنىشتاندىرۋ. ول ۇيقىڭىزدى رەتتەپ، كۇندىز سەرگەك بولۋعا كومەكتەسەدى. اعزانى جالپى تازالاۋ جانە باس اۋرۋلارىن ەمەدەۋ ءۇشىن قولدانىلادى.

وسمانتۋس نەمەسە قوڭىر اعاشتىڭ گۇلدەرى

اعزاداعى زات الماسۋ پروتسەسىن رەتتەپ، جوتەل كەزىندە كومەكتەسەدى. بۇل گۇلدى شايدى كادىمگى قارا نە جاسىل شايعا قوسىپ تا ىشەدى.

سۋرەتتەر: thinkstock

اقپارات دەرەككوزى: https://massaget.kz