شىعىس قازاقستاندا 13 سانيتارلىق پوست قويىلماق
ش ق و باس مەملەكەتتىك سانيتارلىق دارىگەرىنىڭ 27-قازانداعى №23-قاۋلىسىنا وزگەرىستەر ەنگىزىلدى. قۇجاتتا جازىلعانداي، قالا جانە اۋدان اكىمدەرىنە دەنساۋلىق ساقتاۋ باسقارمالارىنىڭ، مەملەكەتتىك كىرىستەر دەپارتامەنتىنىڭ، پوليتسيا دەپارتامەنتىنىڭ، تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ باسقارمالارىنىڭ باسشىلارى ايماق شەكاراسىنداعى 13 سانيتارلىق پوستتىڭ جۇمىسىن قامتاماسىز ەتۋى كەرەك.
«سانيتارلىق پوستتار الماتى (1)، قاراعاندى (1)، پاۆلودار (2) وبلىستارىندا، قازاقستان رەسپۋبليكاسىنىڭ مەملەكەتتىك شەكاراسى ارقىلى وتەتىن جولدارداعى «اۋىل»، «ۋبا» وتكىزۋ پۋنكتتەرىندە (شەمونايحا اۋدانىندا - 1، بورودۋليحا اۋدانىندا - 1) جانە وسكەمەن قالاسىندا (7) قويىلادى. پوستتاردىڭ جۇمىس رەجيمى مەن مەرزىمى COVID-19 ينفەكسياسىنىڭ تارالۋى بويىنشا سانيتارلىق- ەپيدەميولوگيالىق احۋالعا سايكەس وزگەرتىلۋى مۇمكىن»، - دەلىنگەن قاۋلىدا.
دەسە دە وبلىس تۇرعىندارى وسكەمەننەن باسقا اۋدان-قالا ارالىعىندا ەش كەدەرگىسىز جۇرە الادى. ال ەلىمىزدىڭ باسقا ايماقتارىندا ۆاحتالىق ادىسپەن جۇمىس ىستەيتىن ءوڭىر ازاماتتارى بەس كۇن بۇرىن جۇمىس بەرۋشىنىڭ قاراجاتى ەسەبىنەن COVID-19-عا سىناما تاپسىرۋى ءتيىس.
ەستەرىڭىزگە سالا كەتسەك، وسىعان دەيىن شىعىس قازاقستاندا 1-قاراشادان باستاپ بلوكپوستار قويۋ جوسپارلانىپ وتىرعاندىعى حابارلانعان.
اۆتور: تالعاتجان مۇحامەتبەك ۇلى