جاپونياعا قازاقستاننىڭ 13 وڭىرىنەن جىلقى ەتى ەكسپورتتالماق
ەت ونىمدەرى جانە ەت شيكىزاتىن ەكسپورتتاۋ كەلەسى ءۇشىنشى ەلدەرگە جۇزەگە اسىرىلادى: بىرىككە اراب امىرلىكتەرىنە ءىرى قارا جانە ۇساق مالدان الىنعان ەت جانە ەت ونىمدەرىنىڭ جانە ءۇي قۇستارىنىڭ ەكسپورتى اشىلدى. وسى ورايدا ب ا ءا- گە قىزىل ەت پەن قۇس ەتىن ەكسپورتتاۋعا قۇقىعى بار تىزىلىمگە«اباي» ج ش س (پاۆلودار وبلىسى)، «پەرۆومايسكيە دەليكاتەسى» ج ش س جانە «مەركە ەت كومبيناتى» ج ش س (جامبىل وبلىسى) ەنگىزىلگەن. يرانعا مۇزداتىلعان جانە سالقىنداتىلعان قوي ەتى سونداي- اق ۆاكۋۋمدىق قاپتامادا قاپتالعان مۇزداتىلعان سيىر ەتى جانە سالقىنداتىلعان سيىر ەتى تاسىمالدانادى.
بۇدان بولەك، 2019 -جىلعى 14-مامىردا قىتاي حالىق رەسپۋبليكاسىنىڭ باس كەدەن باسقارماسى ءوزىنىڭ ينتەرنەت- رەسۋرسىندا سيىر ەتىن ق ح ر- عا ەكسپورتتاۋعا قۇقىعى بار 4 قازاقستاندىق كاسىپورىندى قوسۋ تۋرالى اقپاراتتى ورنالاستىردى. قازىرگى ۋاقىتتا ق ر ا ش م قازاقستاندىق ەت وڭدەۋ كاسىپورىندارىنىڭ ءتىزىمىن كەڭەيتۋ بويىنشا بەلسەندى جۇمىس جۇرگىزۋدە. سونىمەن قاتار، مۇزداتىلعان قوي ەتىن ق ح ر- عا ەكسپورتتاۋ قۇقىعى بار كاسىپورىنداردىڭ تىزىلىمىنە 4 كاسىپورىن ەنگىزىلگەن.
«قازاقستان اۋىل شارۋاشىلىعى مينيسترلىگى جۇرگىزگەن ەكى جىلدىق جۇمىس قورىتىندىسى بويىنشا، جاپونيانىڭ اۋىل، ورمان جانە بالىق شارۋاشىلىعى مينيسترلىگىمەن بىرلەسىپ، قازاقستان رەسپۋبليكاسىنان جاپونياعا جىلقى سويۋ جانە وڭدەۋ كەزىندە الىنعان ەتتى، ەت شيكىزاتىن جانە سۋبونىمدەردى ەكسپورتتاۋعا ۆەتەريناريالىق سەرتيفيكات كەلىسىلدى ءارى قول قويىلدى. جاپونيانىڭ اۋىل، ورمان جانە بالىق شارۋاشىلىعى مينيسترلىگى مينيسترلىكتى 2020 -جىلعى 25 مامىردان باستاپ قازاقستان رەسپۋبليكاسىنان جاپونياعا جىلقى ەتى ەكسپورتىنىڭ اشىلعانى تۋرالى رەسمي تۇردە حاباردار ەتتى»، - دەلىنگەن ق ر اۋىل شارۋاشىلىعى مينيسترلىگىنىڭ «قازاقپاراتتىڭ» ساۋالىنا وراي بەرىلگەن جاۋاپتا.
جاپون تاراپىمەن قول جەتكىزىلگەن ۋاعدالاستىقتار اياسىندا مينيسترلىك جاپونيا نارىعىنا جىلقى ەتىن ەكسپورتتاۋعا مۇددەلى 34 قازاقستاندىق ەت وڭدەۋ كاسىپورىنىنىڭ ءتىزىمىن رەسمي تۇردە جىبەردى.
قازاقستان رەسپۋبليكاسىنىڭ 13 وڭىرىنەن (اقمولا، اقتوبە، الماتى، اتىراۋ، شىعىس قازاقستان، جامبىل، باتىس قازاقستان، قاراعاندى، قوستاناي، پاۆلودار وبلىستارى جانە الماتى مەن شىمكەنت قالالارى) قازاقستاندىق كاسىپورىندار جاپونياعا جىلقى ەتىن جەتكىزۋدى جوسپارلاپ وتىر. ەۋرازيالىق ەكونوميكالىق وداققا مۇشە مەملەكەتتەرگە توقتالساق، ەت پەن ەت شيكىزاتى جانە دايىن ەت ونىمدەرىنىڭ ەكسپورتى كەدەن وداعى كوميسسياسىنىڭ 2010 -جىلعى 18-قاراشاداعى №455 شەشىمىمەن بەكىتىلگەن ۆەتەريناريالىق سەرتيفيكاتتاردىڭ ءبىرىڭعاي نىساندارىنىڭ سۇيەمەلدەۋىمەن كەدەن وداعى كوميسسياسىنىڭ 2010 -جىلعى 18-ماۋسىمداعى №317-شەشىمىمەن بەكىتىلگەن تاۋارلاردىڭ باقىلاۋداعى ۆەتەريناريالىق باقىلاۋىنا قويىلاتىن ءبىرىڭعاي ۆەتەريناريالىق تالاپتارعا سايكەس جۇزەگە اسىرىلادى.
مۇنىمەن قوسا، ەت جانە ەت ونىمدەرىن ت م د- عا مۇشە مەملەكەتتەرگە ەكسپورتتاۋ 1993 -جىلعى 12-ناۋرىزدا قول قويىلعان ۆەتەريناريا سالاسىنداعى ىنتىماقتاستىق تۋرالى كەلىسىم اياسىندا جۇرگىزىلەدى.