قازگيدرومەت: 13- تامىز كۇنگى اۋا رايى بولجامى

None
None
نۇر-سۇلتان. قازاقپارات - 13- تامىزدا ەل اۋماعىنىڭ باسىم بولىگىندە اۋا رايى قۇبىلمالى بولادى، دەپ حابارلايدى قازاقپارات قازگيدرومەتكە سىلتەمە جاساپ.

بەيسەنبىدە، سولتۇستىك شىعىستا كۇن كۇركىرەپ، نايزاعاي وينايدى، سونىمەن بىرگە نوسەر جاڭبىر جاۋادى، بۇرشاق ءتۇسۋى ىقتيمال.

سونداي-اق رەسپۋبليكانىڭ كەي جەرلەرىندە جەل كۇشەيەدى، وڭتۇستىكتە جانە وڭتۇستىك باتىستا شاڭدى داۋىل تۇرادى، سولتۇستىك باتىستا - تۇمان.

قاراعاندى، پاۆلودار، اقمولا وبلىستارىنىڭ كەي جەرلەرىندە تۇمان تۇسەدى، داۋىل، جەلدىڭ جىلدامدىعى 15-20 م/س، بۇرشاق جاۋۋى مۇمكىن.

اتىراۋ، باتىس قازاقستان وبلىستارىنىڭ كۇندىز كەي جەرلەرىندە جەل 15-20 م/س كۇشەيەدى، بۇرشاق جاۋۋى ىقتيمال، اتىراۋ وبلىسىنىڭ كۇندىز كەي جەرلەرىندە شاڭدى داۋىل تۇرادى.

جامبىل، كۇندىز الماتى، تۇندە جانە تاڭەرتەڭ تۇركىستان وبلىستارىنىڭ كەي جەرلەرىندە جەل تۇرادى، جىلدامدىعى - 15-20 م/س.

قوستاناي، سولتۇستىك قازاقستان وبلىستارىنىڭ كەي جەرلەرىندە تۇمان، جەلدىڭ كۇشەيۋى 15-20 م/س كۇتىلەدى.

شىعىس قازاقستان وبلىسىنىڭ كەي جەرلەرىندە جەل تۇرادى، جىلدامدىعى 15-20 م/س جەتەدى، كۇندىز بۇرشاق جاۋۋى ىقتيمال.

قىزىلوردا، تۇركىستان وبلىستارىنىڭ باسىم بولىگىندە، جامبىل، الماتى، اتىراۋ وبلىستارىنىڭ كەي جەرلەرىندە، قاراعاندى وبلىسىنىڭ وڭتۇستىگىندە، اقتوبە وبلىسىنىڭ وڭتۇستىك-شىعىسىندا توتەنشە ءورت قاۋپى ساقتالادى.

سوڭعى جاڭالىقتار