+7 (701) 759 90 19
20 °С : نۇر-سۇلتان
32 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

ق م د ب: 13- شىلدەدە ەلىمىزدىڭ بارلىق وڭىرلەرىندە قۇران حاتىم دۇعاسى جاسالادى

13 شىلدە 11:42
:ءبولىسۋ
ق م د ب: 13- شىلدەدە ەلىمىزدىڭ بارلىق وڭىرلەرىندە قۇران حاتىم دۇعاسى جاسالادى

نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ تەلەۆيزيالىق ۇندەۋىندە 13- شىلدە - ۇلتتىق ازا تۇتۋ كۇنى بولىپ بەلگىلەنگەنىن ايتقان بولاتىن.

وسىعان وراي قازاقستان مۇسىلماندارى ءدىن باسقارماسىنىڭ ءتوراعاسى، باس ءمۇفتي ناۋرىزباي قاجى تاعان ۇلىنىڭ باستاماسىمەن ەلىمىزدەگى رەسپۋبليكالىق، وبلىستىق ءىرى-ءىرى مەشىتتەردە جانە مەدرەسەلەردە، قاريلار دايارلاۋ ورتالىقتارىندا 100 (ءجۇز) قۇران حاتىم وقىلۋدا، دەپ حابارلايدى ق م د ب رەسمي سايتىندا.

13- شىلدە كۇنى ەلوردا ۋاقىتىمەن ساعات 13:00 دە وسى كۇندەرى قاريلارىمىز وقىپ جاتقان قۇران حاتىمنىڭ دۇعاسى جاسالادى. ال باس ءمۇفتيدىڭ قاتىسۋىمەن رەسپۋبليكالىق «ازىرەت سۇلتان» مەشىتىندە جاسالاتىن قۇران حاتىم دۇعاسىنا ق م د ب- نىڭ Instagram جەلىسىندەگى رەسمي پاراقشاسى جانە YouTube كانالى ارقىلى ونلاين قوسىلۋعا مۇمكىندىك بار.

«قازاقستان مۇسىلماندارى ءدىني باسقارماسى ەلىمىزدەگى بارشا مۇسىلمان قاۋىمىن وسى كۇندەرى شاما كەلگەنشە قۇران وقىپ، اللانى زىكىر ەتىپ، كەشىرىم تىلەپ جانە پايعامبارىمىزعا (وعان اللانىڭ سالاۋاتى مەن سالەمى بولسىن) كوپتەپ سالاۋات ايتىپ، رەسپۋبليكا يمامدارىمەن، قاريلارىمەن 13- شىلدە كۇنى ءبىر مەزەتتە ەل اماندىعى ءۇشىن دۇعا جاساۋعا شاقىرادى»، دەلىنگەن ءدىني باسقارما تاراتقان حابارلامادا.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات