قازگيدرومەت: 13-شىلدە كۇنگى اۋا رايى بولجامى
الايدا، ەلدىڭ سولتۇستىك جانە سولتۇستىك-شىعىسىندا نايزاعاي ويناپ، وتكىنشى جاڭبىر بولادى، جەلدىڭ كۇشەيۋى كۇتىلەدى.
وڭتۇستىكتە جانە باتىستا - شاڭدى داۋىل، شىعىستا بۇرشاق جاۋۋى ىقتيمال، دەپ حابارلايدى قازاقپارات.
«قازگيدرومەت» ر م ك مالىمەتىنشە، شىعىس قازاقستان وبلىسىنىڭ كەي جەرلەرىندە نايزاعاي كۇتىلەدى، جەل 15-20 م/س كۇشەيەدى، كۇندىز بۇرشاق جاۋۋى ىقتيمال.
تۇندە پاۆلودار، قاراعاڭدى، اقمولا وبلىستارىنىڭ كەي جەرلەرىندە نايزاعاي كۇتىلەدى.
پاۆلودار وبلىسىندا جەلدىڭ ەكپىنى 15-20 م/س ارتادى. قىزىلوردا وبلىسىنىڭ كەي جەرلەرىندە شاڭدى داۋىل تۇرادى. 15-20 م/س جىلدامدىقتاعى جەل 25 م/س كۇشەيەدى.
جامبىل، تۇركىستان، ماڭعىستاۋ، كۇندىز اتىراۋ وبلىستارىنىڭ كەي جەرلەرىندە شاڭدى داۋىل كۇتىلەدى، 15-20 م/س جەل تۇرادى.
تۇركىستان وبلىسىندا كۇندىز جەلدىڭ ەكپىنى 25 م/س جەتەدى. كۇندىز باتىس قازاقستان وبلىسىنىڭ كەي جەرلەرىندە جەل 15-20 م/س كۇشەيەدى.
كۇندىز قىزىلوردا، ماڭعىستاۋ وبلىستارىندا، اقمولا وبلىسىنىڭ كەي جەرلەرىندە، قوستاناي، سولتۇستىك قازاقستان، قاراعاندى وبلىستارىنىڭ وڭتۇستىگىندە قاتتى ىستىق، اتىراۋ، باتىس قازاقستان، اقتوبە وبلىستارىندا قاتتى ىستىق، وڭتۇستىگىندە وتە قاتتى ىستىق كۇتىلەدى.
اتىراۋ وبلىسىندا، قىزىلوردا، قاراعاندى، تۇركىستان، جامبىل، الماتى وبلىستارىنىڭ كەي جەرلەرىندە، اقتوبە، باتىس قازاقستان وبلىستارىنىڭ وڭتۇستىگىندە جوعارى ءورت قاۋپى ساقتالادى.