+7 (701) 759 90 19
27 °С : نۇر-سۇلتان
32 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

ەلىمىزدىڭ بارلىق وڭىرىندە 13-شىلدەدە قۇران حاتىم دۇعاسى جاسالادى

9 شىلدە 14:40
:ءبولىسۋ
ەلىمىزدىڭ بارلىق وڭىرىندە 13-شىلدەدە قۇران حاتىم دۇعاسى جاسالادى

نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ 13 -شىلدەنى - ۇلتتىق ازا تۇتۋ كۇنى رەتىندە جاريالاۋ تۋرالى وكىمگە قول قويدى.

وسىعان وراي ق م د ب ءتوراعاسى، باس ءمۇفتي ناۋرىزباي قاجى تاعان ۇلىنىڭ باستاماسىمەن ەلىمىزدەگى رەسپۋبليكالىق، وبلىستىق ءىرى-ءىرى مەشىتتەردە جانە مەدرەسەلەردە، قاريلار دايارلاۋ ورتالىقتارىندا 100 قۇران حاتىم وقىلۋدا، دەپ حابارلايدى قازاقپارات ءتىلشىسى.

«13 -شىلدە كۇنى ەلوردا ۋاقىتىمەن ساعات 13:00 دە وسى كۇندەرى قاريلارىمىز وقىپ جاتقان قۇران حاتىمنىڭ دۇعاسى جاسالادى. ال باس ءمۇفتيدىڭ قاتىسۋىمەن رەسپۋبليكالىق «ازىرەت سۇلتان» مەشىتىندە جاسالاتىن قۇران حاتىم دۇعاسىنا ق م د ب- نىڭ Instagram جەلىسىندەگى رەسمي پاراقشاسى جانە YouTube كانالى ارقىلى ونلاين قوسىلۋعا مۇمكىندىك بار»، - دەپ ءمالىم ەتتى ق م د ب باسپا ءسوز قىزمەتىنەن.

سونىمەن قاتار قازاقستان مۇسىلماندارى ءدىني باسقارماسى ەلىمىزدەگى بارشا مۇسىلمان قاۋىمىن وسى كۇندەرى شاما كەلگەنشە قۇران وقىپ، اللانى زىكىر ەتىپ، كەشىرىم تىلەپ جانە پايعامبارىمىزعا (وعان اللانىڭ سالاۋاتى مەن سالەمى بولسىن) كوپتەپ سالاۋات ايتۋعا شاقىردى. ال 13 -شىلدە كۇنى رەسپۋبليكا يمامدارى، قاريلارىمەن بىرگە ءبىر مەزەتتە ەل اماندىعى ءۇشىن دۇعا جاساۋعا ۇندەدى.

اۆتور: مارلان جيەمباي



#ءدئن  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات