الاكول 13 - ماۋسىمنان تۋريستەردى قابىلداي باستايدى
قازىر وندا دايىندىق جۇمىستارى ءجۇرىپ جاتىر. وسى ۋاقىتقا دەيىن بۇل اۋداننىڭ اۋماعىندا 7 ادامنىڭ كوروناۆيرۋس ىندەتىن جۇقتىرعانى انىقتالدى. ولار دارىگەرلەردىڭ ءجىتى باقىلاۋدا. «جاعداي كۇرت وزگەرمەسە، شومىلۋ ماۋسىمى ۋاقىتىندا اشىلادى»، - دەدى الماتى وبلىسىنىڭ باس سانيتارلىق دارىگەرى قايرات بايمۇحامبەتوۆ.
وتكەن جىلى الاكولدىڭ الماتى وبلىسىنداعى بولىگىنە 2 ميلليوننان استام تۋريست كەلدى. ولارعا 200-گە تارتا دەمالىس ورنى قىزمەت كورسەتتى. «الماتى - وسكەمەن» تاس جولىندا جوندەۋ جۇمىستارى ءجۇرىپ جاتقاندىقتان، وبلىس ورتالىعى تالدىقورعاننان كول جاعالاۋىنا كۇنىنە 4 رەت ۇشاق قاتىنايتىن بولادى. الماتى مەن نۇر- سۇلتان قالاسىنىڭ تۇرعىندارى دا ىشكى اۋە رەيستەرىنىڭ كومەگىنە جۇگىنە الادى. ال تەمىر جولمەن ساياحاتتاعاندى ءجون كورەتىندەر ءۇشىن الاكول اۋدانىنىڭ ۇستىمەن وتەتىن پويىزدارعا قوسىمشا ۆاگوندار شىعارىلادى.
قايرات بايمۇحامبەتوۆ، وبلىستىق تاۋارلاردىڭ قاۋىپسىزدىگى مەن كورسەتىلەتىن قىزمەت ساپاسىن باقىلاۋ دەپارتامەنتىنىڭ باسشىسى:
- قازىرگى كەزدە ول جەرلەردە دايىندىق جۇمىستارى جۇرگىزىلىپ جاتىر. جاعالاۋدى، قۇمدى تازالاپ، جاتاتىن ورىنداردىڭ اراسى 2 مەتردەن الىس بولۋ شارتىن ورىنداپ، دايىندالىپ جاتىر. ءبىراق كەلىپ- كەتەتىن كىسىلەردى ءالى قابىلدامايدى. 13- ماۋسىمنان باستاپ جاعالاۋ جۇمىس ىستەيدى. ول تەك قانا ءبىزدىڭ وبلىسقا عانا قاتىستى ەمەس، ول شىعىس قازاقستان وبلىسىنا دا قاتىستى.