رەسەيدە 13 مىڭ گەكتار اۋماقتا ورمان ورتەنىپ جاتىر

ماسكەۋ.قازاقپارات - 26 -مامىر كۇنى رەسەي فەدەراتسياسىندا 64 ورمان ءورتى تىركەلگەن.

ر ف ەكولوگيا جانە تابيعي رەسۋرستار ءمينيسترى دميتري كوبىلكيننىڭ ايتۋىنشا، ءتىلسىز جاۋ شارپىعان اۋماقتىڭ جالپى كولەمى 13 مىڭ گەكتارعا جەتتى، دەپ حابارلايدى قازاقپارات تاسس اگەنتتىگىنە سىلتەمە جاساپ.

«بۇگىنگى تاڭدا 64 ورمان ورتەنىپ جاتىر. قىزىل جالىننىڭ جالپى اۋماعى 13 مىڭ گەكتاردان اسادى»، - دەپ ءمالىم ەتتى ول. كوبىلكيننىڭ سوزىنە سەنسەك، رەسەيدىڭ ءتورت سۋبەكتىسىندە ورمان ورتىنە بايلانىستى توتەنشە جاعداي رەجيمى ەنگىزىلگەن.

«بايقالدا تولىعىمەن، تىۆا، حاكاسيا جانە يركۋتسك وبلىسىندا ءبىر- ءبىر مۋنيتسيپالدى قۇرىلىمدا توتەنشە جاعداي جاريالانعان»، - دەپ اتاپ ءوتتى ول.