شىمكەنتتە كوروناۆيرۋس جۇقتىرعانداردىڭ قاتارىندا 13 جاستاعى جاس ءوسپىرىم بار
دارىگەرلەر ناۋقاستاردىڭ قاتارىندا 13 جاستاعى جاس ءوسپىرىم بار ەكەنىن ايتادى، دەپ حابارلايدى قازاقپارات ءتىلشىسى.
قالالىق توتەنشە جاعدايلار شتابىنىڭ مالىمەتىنشە، قاۋىپتى ىندەت جۇقتىرعانداردىڭ بارلىعى دا بۇعان دەيىنگى ناۋقاسپەن قارىم-قاتىناستا بولعان. ولار كارانتيندىك ستاتسيونارعا جاتقىزىلىپ، زەرتحانالىق سىنامالار الىنعان.
«ءبىر ناۋقاس 2006-جىلى تۋعان جاس ءوسپىرىم بولسا، ەكەۋى 1967- جانە 1971-جىلى تۋعان ايەلدەر. دياگنوستيكالىق زەرتتەۋ قورىتىندىسى ولاردان COVID-19 ۆيرۋسىن انىقتادى. قازىرگى تاڭدا ناۋقاستاردىڭ جاعدايلارى قاناعاتتانارلىق. بەكىتىلگەن حاتتاماعا سايكەس ءتيىستى ەم جۇرگىزىلۋدە. ناۋقاستارمەن قارىم-قاتىناستا بولعان ادامدار انىقتالىپ، بارلىعى مەديتسينالىق باقىلاۋعا الىنۋدا. اۋرۋ وشاقتارىندا ەپيدزەرتتەۋ جانە دەزينفەكتسيالىق جۇمىستار جۇرگىزىلۋدە» دەلىنگەن حابارلامادا.
ايتا كەتەيىك، شىمكەنتتە COVID-19 كوروناۆيرۋستىق ينفەكتسياسىنا شالدىققان ادامداردىڭ سانى 23 كە جەتتى.