+7 (701) 759 90 19
34 °С : نۇر-سۇلتان
32 °С : الماتى
USD 414.13 EUR 451.40
RUB 5.80 CNY 58.03
جاڭالىقتار

بىرىككەن اراب امىرلىكتەرى قازاقستانعا 13 مىڭ تونناعا جۋىق گۋمانيتارلىق جۇك جىبەردى

6 ءساۋىر 21:00
:ءبولىسۋ
بىرىككەن اراب امىرلىكتەرى قازاقستانعا 13 مىڭ تونناعا جۋىق گۋمانيتارلىق جۇك جىبەردى

نۇر- سۇلتان. قازاقپارات - بىرىككەن اراب امىرلىكتەرى قازاقستانعا كوروناۆيرۋسپەن كۇرەس ءۇشىن 13 مىڭ تونناعا جۋىق گۋمانيتارلىق جۇك جىبەردى.

ارنايى جۇك تيەلگەن ۇشاق بۇگىن ەلوردا اۋەجايىنا قونىپ، ونى ق ر سىرتقى ىستەر مينيسترلىگىنىڭ وكىلدەرى قابىلداپ الدى، دەپ حابارلايدى قازاقپارات ءتىلشىسى.


«ءبىزدىڭ سۇرانىسىمىزبەن بۇل جۇكتىڭ كەلەتىندىگى وسىدان ءبىر اپتا بۇرىن بەلگىلى بولعان ەدى. جالپى، امىرلىكتەرگە عانا ەمەس، بارلىق مەملەكەتكە ەلىمىزدىڭ دەنساۋلىق ساقتاۋ مينيسترلىگى ۇسىنعان تىزىمگە سايكەس قاجەتتى مەديتسينالىق زاتتار بويىنشا گۋمانيتارلىق كومەك سۇراپ، حات جولداعان ەدىك. اراب ەلدەرىنىڭ ىشىنەن ەڭ ءبىرىنشى بولىپ بىرىككەن اراب امىرلىكتەرى گۋمانيتارلىق كومەگىن جىبەرىپ وتىر. گۋمانيتارلىق كومەكتە قولعا كيەتىن قولعاپتار، مەديتسينالىق ماسكالار، باحيلالار، انتيسەپتيكتەر، بىررەتتىك ۇستىگە كيەتىن ارنايى كيىمدەر بار. جۇكتىڭ جالپى سالماعى 13 تونناعا جۋىقتايدى. بۇل - امىرلىكتەر ۇكىمەتىنىڭ قازاقستانعا دەگەن ىزگىلىك كومەگى»، - دەدى ب ا ق وكىلدەرىنە سۇحبات بەرگەن ق ر سىرتقى ىستەر مينيسترلىگى تاياۋ، ورتا شىعىس جانە افريكا دەپارتامەنتىنىڭ ديرەكتورى ەرجان مۇقاش.


ونىڭ ايتۋىنشا، بۇعان دەيىن قازاقستانعا تۇركيادان، قىتايدان، جاپونيادان گۋمانيتارلىق كومەك كەلگەن. ەلىمىزدەن دە گۋمانيتارلىق كومەك سۇراپ وتىرعان مەملەكەت بار. ولارعا كومەك كورسەتۋ ماسەلەسىن الداعى ۋاقىتتا ەل ۇكىمەتى شەشەتىن بولادى.

«ماسەلەن، بىزدەن اۋعانستان مەن يران ەلدەرى گۋمانيتارلىق كومەك سۇراپ وتىر. جالپى، مەديتسينالىق زاتتارعا ەمەس، ازىق- تۇلىككە دە مۇقتاج بولىپ وتىرعان ەلدەر بار»، - دەدى ول. امىرلىكتەردىڭ بىزگە جەتكىزگەن گۋمانيتارلىق جۇگىن قابىلداپ الۋ شاراسىنا وسى ەلدىڭ قازاقستانداعى توتەنشە جانە وكىلەتتى ەلشىسى موحامماد احماد سۇلتان ەسسا الدجابەر دە ارنايى كەلىپ قاتىستى.

«وزدەرىڭىز دە ءابۋ- دابيدەن شامامەن 13 توننا جۇك تيەلگەن مەديتسينالىق قورعانىس زاتتارى بار ۇشاقتىڭ كەلگەنىنە كۋا بولدىڭىزدار. بۇل ەكى ەلدىڭ جانە مەملەكەت باسشىلارىنىڭ اراسىنداعى جىلى قارىم- قاتىناستىڭ، سونىمەن قاتار كوروناۆيرۋس ىندەتىمەن بىرلەسە كۇرەسۋ شارالارىنىڭ ارقاسىندا جۇرگىزىلىپ جاتىر. بۇگىندە الەم وسى ىندەتتەن زارداپ شەگىپ وتىر. بۇل قيىندىقتاردى دا ەڭسەرەمىز. ال قازىر، ەڭ باستىسى، ۇكىمەت ەنگىزگەن ەرەجەلەردى ساقتاپ، ۇيدە وتىرۋىمىز كەرەك»، - دەدى ب ا ءا ەلشىسى.

اۆتور: مارلان جيەمباي



باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات